बाँके बैशाख १५ गते । डोल्पा मुड्केचोलाकी एक सुत्केरीलाई पूर्व समाजवादी पार्टी बाँकेका नेताले सहयोग गरेका छन् । जस्का कारण उनको ज्यान जोगिएको छ भने नवजात शिशुको अवस्था समेत सामान्य छ ।
डोल्पा मुड्केचोलाकी शान्ती एक हप्ता अघि उपचारको लागी बाँके आएकी थिइन । लकडाउनको कारण डोल्पामा उपचार पाउन नसके पछि शान्तिका श्रीमानले कोहलपुर ल्याएका थिए ।
यहाँ पनि उनले उपचार सहज नभएपछि पुर्व समाजवादी पार्टीका नेता कमरुद्दिन राइको सम्पर्कमा आएपछि उनको कोहलपुर मेडिजल कलेजमा उपचार सम्भव भएको थियो ।
मेडिकलमा उपचार पश्चात उनले नवजात शिशुलाई जन्मदिएकी छिन । आमा र नवजात शिशुको स्वास्थमा सामान्य भएपछि आज डिस्चार्ज गरिएको छ । नेता राईले सुत्केरी ति महिलालाई नगद १५ हजार सहित केहि राहत सामाग्री समेत प्रदान गरेका थिए ।
समस्या परेको बेलामा आफुलाई सहयोग गरेकोमा भगवान् नै आएजस्तो महसुस भएको शान्तिले बताइन् । शान्तिले फोन मार्फत आफु र बच्चाको स्वास्थ अवस्था ठिक भएको भन्दै राईलाई धन्यवाद दिएको नेता राईले बताएका छन् ।
Discussion about this post