सुर्खेत वैशाख २४ गते ।
कर्णाली प्रदेशका मुख्यमन्त्री महेन्द्रवहादुर शाहीले कर्णाली प्रदेशलाई उत्पादनमा आत्मानिर्भरता र उज्यालो चाहिएको वताउनुभएको छ ।
आगामी आर्थिक वर्षको नीति तथा कार्यक्रम र वजेट निर्माणको सन्दर्भमा उर्जामन्त्री वर्षमान पुन (अनन्त)ले बुधवार आयोजना गर्नुभएको ७ वटै प्रदेशका भौतिक पूर्वाधार विकास मन्त्रीहरुसंगको वैठकमा वोल्दै मुख्यमन्त्री शाहीले कर्णालीको उक्त आवश्यकता पुरा गर्न संघीय सरकारको ध्यानाकर्षण गराउनुभएको छ ।
कर्णालीका ५ वटा जिल्लामा अहिलेसम्म राष्ट्रिय प्रशारण लाईन नपुगेको, प्रदेश राजधानीमै पनि विद्युत आपुर्तिमा वारम्वार अवरोध भईरहेको वताउदै मुख्यमन्त्री शाहीले समस्या सामाधानका लागि माग गर्नुभयो ।
तत्काल राष्ट्रिय प्रशारण लाईन विस्तार गर्न नसकिने क्षेत्रहरुमा वैकल्पिक उर्जाको प्रयोग मार्फत विद्युत आपुर्तीको व्यवस्था गर्नुपर्नेमा पनि मुख्यमन्त्री शाहीले जोडदिनुभयो ।
उहाँले सदरमुकाममा समेत विद्युत आपूर्ती नहुँदा सरकारी कार्यालय संचालनमा समस्या रहेको वताउदै वडा कार्यालय, विद्यालय तथा स्वास्थ्य संस्थाहरुमा समेत वैकल्पिक उर्जाका माध्यमवाट विद्युत आपुर्ती गरिनुपर्ने उहाँको भनाई छ ।
कर्णाली प्रदेशको भौतिक पूर्वाधार विकास मन्त्रालयको जिम्मेवारी समेत हेरीरहनुभएका मुख्यमन्त्री शाहीले कर्णालीमा उत्पादनयोग्य कृषिभुमि प्रशस्त भए पनि सिंचाईको अभावका कारण उत्पादनमा आत्मानिर्भर हुन नसकेको तर्फ पनि उर्जामन्त्री पुनको ध्यानाकर्षण गराउनुभएको छ ।
संघीय सरकारको आगामी आर्थिक वर्षको नीति तथा कार्यक्रम र वजेटमा कर्णालीले उच्च प्राथमिकता पाउनुपर्ने वताउदै मुख्यमन्त्री शाहीले औषधिय गुण सहितको कृषि उपजहरुको उत्पादकत्व वृद्धिका लागि ठुला सिंचाई योजना आवश्यक रहेको वताउनुभयो ।
कर्णालीमा खाद्यान्न आपुर्तीका लागि दिईने ढुवानी अनुदानमा राज्यको अर्वौं रकम खर्च भईरहेको वताउदै मुख्यमन्त्री शाहीले कृषियोग्य भुमिमा सिंचाई व्यवस्था भएमा कर्णालीलाई उत्पादनमा आत्मानिर्भर वनाउनुको साथै ढुवानीमा खर्च हुने रकम उत्पादनका अरु क्षेत्रमा लगानी गर्न सकिने धारणा राख्नुभयो ।
संघ, प्रदेश र स्थानीय तहका सरकार विचको कार्यक्षेत्र वाँडेर काम गर्नुपर्ने आवश्यकतामा जोड दिदै मुख्यमन्त्री शाहीले योजनामा हुने दोहोरोपन हटाउन र विकास निर्माण कार्यलाई प्रभावकारी वनाउन पनि सहयोग पुग्ने वताउनुभयो ।
तिनवटै तहका सरकार विच समन्वय अपरिहार्य रहेको वताउदै प्रदेश सरकारसंग समन्वयका लागि विद्युत प्राधिकरणलाई निर्देशन दिन पनि उहाँले आग्रह गर्नुभयो ।
नदी नियन्त्रण, सुधारिएको चुलो, घरेलु सौर्य उर्जा प्रणालीको जडान लगायतका कार्यक्रम पनि आवश्यक रहेको मुख्यमन्त्री शाहीले वताउनुभयो ।
Discussion about this post