बाँके बैशाख २४ गते ।
नेपालगन्ज उपमहानगपालिका ८ बाट आज १३६ जनाको स्वाब संकलन गरिएको छ । जिल्ला स्वास्थ्य कार्यालयका कोरोना फोकल पर्सन नरेश श्रेष्ठका अनुसार, २२ जना संक्रमितको सम्पर्कमा रहेका १३६ जनाको आज स्वाब संकलन भएको हो ।
भैरवटोलको राजनको पान पसल, मन्डल मोहला, रानीतलाउको तरकारी मन्डी, नाउ टोल र टांगा स्टेशनको किराना पसल क्षेत्रका नागरिकहरुको स्वाब संकलन गरिएको छ । हिंजो त्यही स्थानबाट ५४ जनाको स्वाब संकलन गरिएको थियो ।
उक्त क्षेत्र कोरोनाको रेडजोन मानिन्छ । शुक्रबार नेपालगन्ज ७ का ६० बर्षिय पुरुषमा कोराना संक्रमण भेटिएपछि उनलाई पछ्याउनेक्रममा थप २२ जनामा कोरोना पोजेटिभ देखिएको थियो ।
उनीहरुको कन्ट्रयाक्ट ट्रेसिङका आधारमा पहिचान भएका व्यक्तिहरुको स्वाब संकलन गरिएको हो । हिंजो संकलिन ५४ स्वाब मध्ये ३४ जनाको रिपोर्टमा कोरोना नभएको पुष्टि भइसकेको छ ।
Discussion about this post