बाँके जेठ १७ गते ।
महिला तथा बालबालिकाको सुरक्षाको प्रश्न विषयक संवाद कार्यकम आज सम्पन भएको छ। अध्ययन अनुसंधान केन्द्र , नेपालको आयोजनामा कार्यक्रम भएको हो ।पछिल्लो समय देश कोरोनाका कारण पुर्ण रुपमा लकडाउनमय हुदा जुम मिटिङ बाट बैठक छलफल र कार्यक्रम गर्नु परेको बताउछिन समाजवादी पार्टी ५ नम्बर प्रदेश कि कोषाध्यक्ष अम्बिका काफ्ले। उनले आजको जुम मिटिङ बाट निम्न कुराहरुमा छलफल गरि निष्कर्ष निकालेको बताइन ।
१. महिलाहरु पनि मानव हुन , महिलाहरु जैबिक रुपमा फरक छन तर लैंगिक रुपमा पुरुष समान हुन ।
२. समाजका समग्र महिलाहरुकाे सशक्तिकरण नगरी महिलाको बिकास हुँदैन र सशक्तीकरणका लागि महिला सहभागिता विना असंभव छ । तसर्थ महिला सहभागिता बढाउन पुर्ण समानुपातिक समावेशीको मान्यता अनुरुप ३३% सहभागिता नभई जनसंख्याको अाधारमा ५०% अारक्षणको ब्यवस्था गरिनु पर्छ ।
३. महिलाको सन्दर्भमा ,महिलाको शिक्षा ,स्वास्थ्य ,अर्थपूर्ण अधिकार सहितको प्रत्याभूति र राजनीतिक सहभागिता विना विकासको कल्पना गर्न सकिँदैन ।
४. महिलाहरु घरको गृहिणी हाेइनन कि परिबार र समाजको ब्यवस्थापनका लागि याेग्य , दक्ष र क्षमतावान म्यानेजर हुन ।
महिलाले परिबार र समाजको निम्ति कठिन श्रम गरे बापत राज्यले मासिक विशेष भत्ताको प्रबन्ध गर्नु पर्छ ।
५. महिला मुक्तिका लागि महिलाहरु माथि हुने सबै खालको शाेषण,दमन र उत्पिडनको अन्त्य गरी राज्य सत्ताको हक सम्पत्तिको हक र शरिरमाथिको हक स्थापित नगरीकन परिबार,समाज र देशको बिकास र संबृद्धि असंभव छ।
६. सुचनाको अभावमा महिलाहरुकाे विकास हुन नसक्ने भएको हुँदा अनिवार्य रुपमा सहज वाताबरणमा सुचनाको पहँच सम्म पुर्याउन अावस्यक छ ,किनकि बिकासका लागि सुचनाको महत्त्व अनिवार्य हुन्छ ।
७. महिला तथा बालबालिकाहरुकाे सर्वाङ्गिण विकासका निम्ति निशुल्क प्राबिधिक शिक्षा,सु-स्वास्थ्यको प्रत्याभुति सामाजिक बाताबरण र उनीहरुकाे रुचिकर शिक्षामा जाेड दिनुपर्ने अाबस्यकता देखियकाे छ ।
माथिका यिनै निष्कर्षका साथ छलफल सम्पन्न भएको हो। छलफल संबादमा समाजवादी पार्टीका केन्द्रीय उपाध्यक्ष रेणु यादव , केन्द्रिय सचीव दुर्गा साेब केन्द्रिय सदस्य सुशिला श्रेष्ठ, नारायण खनाल , समाजवादी पार्टी महिला संघकी केन्द्रिय अध्यक्ष निर्मला यादब, केन्द्रिय सदस्य एवम् प्रदेश नम्बर ५ का अध्यक्ष अशोककुमार यादब लगायतको उपस्थिति र सहभागीमा कार्यक्रम सम्पन्न भएको थियो।
Discussion about this post