बाँके जेठ ३१ गते ।
बाँकेको कोरोना हटस्पट बनेको नरैनापुर गाउँपालिको लक्ष्मणपुर प्राथमिक स्वास्थ्य केन्द्रमा एक जना चिकित्सक पठाइएको छ। करिब एक वर्षपछि नरैनापुरको सो स्वास्थ्य केन्द्रमा चिकित्सक पठाइएको हो।
त्रिभुवन विश्वविद्यालय चिकित्साशास्त्र अध्ययन संस्थान (आइओएम) पढेका डा सागर पन्तलाई नरैनापुर गाउँपालिकामा खटाइएको छ। उनी प्राथमिक स्वास्थ्य केन्द्रमा हाजिर भइसकेको नरैनापुर गाउँपालिकाले जनाएको छ।नरैनापुरमा हालसम्म ११८ जना कोरोना संक्रमित भेटिएका छन्।
जसमध्ये क्वारेन्टाइनमा बसेका एक जना २५ वर्षे युवा मृत्यु भएको थियो। स्वास्थ्यमा समस्या आएपछि समयमा अस्पताल पुर्याउन नसक्दा उनको मृत्यु भएको थियो। नरैनापुर गाउँपालिकाका स्वास्थ्य संयोजक मोइन खाँ सबै कोरोना संक्रमित निको भइसकेको जानकारी दिए।
उनका अनुसार नरैनापुरका विभिन्न क्वारेन्टाइनमा ११४ जना व्यक्तिहरु बसेका छन्। उनले भने,‘दैनिक जसो भारतबाट मानिसहरु आइरहेका छन्। क्वारेन्टाइनमा मानिसको संख्या थपिरहेको छ।
’बाँकेको विकट र अनइ भौतिक सुविधा नभएका कारण सरकारले पठाएका चिकित्सक केही महिना बसि सरुवा गराउने कारण नरैनापुरका बासिन्दाले स्वास्थ्यसेवा पाउन समस्या हुँदै आएको छ।
Discussion about this post