बाँके असार १३ गते ।
कोरोना संक्रमित सुत्केरी महिला शनिवार सन्चो भएर डिस्चार्ज भएकी छन् । नेपालगञ्ज मेडिकल कलेज शिक्षण अस्पताल कोहलपुरमा उपचाररत कपिलवस्तु कृष्णनगर निवासी २७ वर्षीया सुत्केरी महिला कोरोनामुक्त भई आफ्नो बच्चासहित अस्पताल बाट घर गएकी हुन् ।
आमा र बच्चा दुबैको दोश्रो पटक कोरोना रिपोर्ट नेगेटिभ आएपछि उनिहरुलाई डिस्चार्ज गरिएको । अस्पतालका उपनिर्देशक डाक्टर दिनेश श्रेष्ठले जानकारी दिएका छन् । ३८ हप्ताकी कोरोना संक्रमित गर्भवती महिलाको असार ६ गते शल्यक्रिया गरिएको थियो ।
शल्यक्रियामार्फत बच्चा जन्माएकी ती महिलाको कोरोना रिपोर्ट नेगेटिभ आएपछि उनलाई कोभिड वार्डबाट आइसोलेशन वार्डमा सारिएको थियो । शनिवार ती महिला र बच्चाको दोश्रो पटकको कोरोना रिपोर्ट नेगेटिभ आएको हो ।
रिपोर्ट नेगेटिभ आए सङ्गै आमा र बच्चा दुबैको स्वास्थ अवस्था सामान्य रहेको डाक्टर श्रेष्ठले जानकारी गराएका छन् ।
Discussion about this post