फाइल फोटो
काठमाडौं असार २५ गते ।
कोरोना भाइरसको महामारीका कारण विश्वमै सबैभन्दा बढी प्रभावित भएको अमेरिकामा कुल संक्रमितको संख्या ३० लाख भन्दा धेरै पुगेको छ । जोन्स हप्किन्स विश्वविद्यालयलको कोरोना भाइरस स्रोत केन्द्रका अनुसार अमेरिकामा कोरोना भाइरसबाट संक्रमित हुनेको संख्या ३० लाख ४६ हजार भन्दा बढी रहेको छ ।
कोभिड–१९ बाट ज्यान गुमाउनेको संख्या पनि अमेरिकामै सबैभन्दा धेरै रहेको छ । अहिलेसम्म त्यहाँ एक लाख ३२ हजार भन्दा धेरैको ज्यान गएको छ ।अमेरिकामा मंगलबार एकै दिन ६० हजार भन्दा बढीमा संक्रमण पुष्टि भएको थियो । पछिल्ला दिनमा अमेरिकामा संक्रमणदर बढेको छ ।
संक्रमण बढी रहेको भए पनि राष्ट्रपति कार्यालय ह्वाइट हाउसले विद्यालयसहित खुला गर्ने तयारी थालेको छ।ह्वाइट हाउस कोरोना भाइरस टास्क फोर्सका प्रमुख समेत रहेका उपराष्ट्रपति माइक पेन्सले कोरोना भाइरसको संक्रमण नियन्त्रणका लागि लागु गरिएका नियमहरु ‘अति कडा’ हुन नहुने जिकिर गरेका छन् ।यसअघि राष्ट्रपति डोनाल्ड ट्रम्पले मंगलबार महामारीका सन्दर्भमा अमेरिका सही अवस्थामा रहेको बताएका थिए ।
पछिल्लो समय टेक्सास, क्यालिफोर्निया, फ्लोरिडा, एरिजोनासहितका राज्यमा संक्रमण अधिक छ ।ह्वाइट हाउसले अवस्था राम्रो भने पनि विज्ञहरुले भने अमेरिकामा हाल महामारीको पहिलो लहर नै रहेको र अवस्था थप गम्भीर बन्न सक्ने बताउँदै आएका छन् । विज्ञ, विज्ञान र तथ्यहरुले ह्वाइट हाउसको दाबीलाई कुनै पनि अर्थमा समर्थन गरेको देखिँदैन ।
ब्राजिलका राष्ट्रपति जायर बोल्सोनारोविश्वभर कोरोना भाइरसबाट संक्रमित हुनेको संख्या एक करोड १९ लाख ९४ हजार भन्दा बढी छ भने पाँच लाख ४७ हजार भन्दा धेरैको ज्यान गएको छ ।अमेरिकापछि सबैभन्दा बढी संक्रमित रहेको ब्राजिलमा १७ लाख १३ हजार भन्दा बढी संक्रमित भएकोमा ६७ हजार ९ सय भन्दा धेरैको ज्यान गएको छ ।
ब्राजिलका राष्ट्रपति जायर बोल्सोनारोलाई पनि संक्रमण भएको छ ।यसैगरी संक्रमितको संख्यामा तेस्रो स्थानमा भारत रहेको छ । त्यहाँ सात लाख ४२ हजार भन्दा बढीमा संक्रमण भएकोमा २० हजार ६ सय भन्दा धेरैको ज्यान गएको छ ।विज्ञहरुले सामाजिक दूरी, मास्क, परीक्षण, क्वारेन्टिन, आइसोलेशनलाई प्रभावकारी रुपमा लागु गरिनु पर्ने र अन्तिम विकल्प खोप नै रहेको बताएका छन् ।
खोप यो वर्षको अन्त्य वा आउँदो वर्षको सुरुमा तयार हुने आश गरिएको छ ।
Discussion about this post