सरला सुवेदी
बाँके साउन ५ गते।
लगातारको भारी बर्षाको कारण रोहिणी खोला कटानले कहिले नपुर्याएको क्षति जानकी टोल बस्तिमा पुर्याएको छ।
कटानले आफ्नो खेतबारी सबै लग्न लागेपछी दुई तीन दिन देखि रातभरी निन्द्रा नपरेको बताउछन् कोहलपुर १२ चपरगौडी जानकीनगरका वासिन्दा गोरखबहादुर खत्री । दाङ देखि २०६७ सालमा स-परिवार सहित बसाइ सरेर कोहलपुर झरेका खत्री आफ्ना एक छोरी एक छोरा र श्रीमतीको साथमा जानकी टोलमा बस्न आएका थिए ।
पहिले आउदा खोला सानो भएको कारण जग्गा किनेर घर बनाएको तर यस्तो खोलाले लान्छ भनेको थाह पाएको भए यो ठाउँमा नबस्ने कुरा बताउदै दिनरात पछुताउन लागेका छन् । यतिका बर्ष बाढी आउदा कुनै असर नगरेको तर अहिले अचानक खोलाको कारण जमिन भासिदै गएपछी बालु सिङ मात्र नभई पुरै टोलका बासिन्दा नै यो ठाउँमा जग्गा किनेर घर गराउनु नै गलत निर्णय गरेको भन्दै पछुताएका छन् । र दिनरात सबै तनावमा छन् ।
कुनबेला कतिबेला बाढी आएर कटान गरि घरै भासिने पो हो कि भनी पुरै टोलका मानिसको दिनरातको भोक निन्द्रा हराएको छ । जानकि टोलका बासिन्दा अहिले जनप्रतिनिधि गुहार्न थाले आफ्नै गाउँकि जनप्रतिनिधि कार्यपालिका सदस्य नारायणी वलिलाई दिनरात तटबन्धको लागि पहल गर्नु पर्यो भन्दै भेट्न थालेपछी नारायणी वलिको पहलमा नगरपालिकाबाट नगरप्रमुख र उपप्रमुख सहितको टोलि धेरै पटक कटान गरेको ठाउँ हेर्दै जाँदै गरेका थिए तर अहिले बर्षायामको समयमा कुनै पनि निर्माणको कार्य गर्न नसकिने भए पछि बर्खा पछि यस ठाउँको लागि तटबन्धनको लागि विशेष बजेट छुट्टाएर काम अगाडि बढाउने तर अहिले अस्थायी रोकथामको लागि खोला मा स्काभेटर लगाएर बस्ती तिर बगेको पानी खोलादेखी पारिको खेत खनेर पानीलाई खेततिर फर्काउन सकिने नगरप्रमुख लुटबहादुर रावतले बताएका हुन् ।तर जानकी टोलका बासिन्दाको पटक पटक सहयोगको लागि गुहार माग्दा आज नगर प्रमुख उपप्रमुख सहित प्रमुख जिल्ला अधिकारी रामबहादुर कुरुम्बाङ्गको टोलि अनुगमनमा आएको हो।
बस्ती कटानका कारण उच्च जोखिममा रहेको कारण प्रमुख जिल्ला अधिकारिले रातभरी पानी परे जमिन पुरै भासिए मानवीय क्षति पुग्ने हुँदा अस्थायी भएपनी आपतकालीन अवस्थामा आइपर्ने बिपदलाई रोक्न तटबन्धन गर्न निर्देशन दिएका हुन् । उनले नेपाली सेना र सशस्त्र प्रहरिको टोलि लाई उक्त मानवीय कार्यमा खटिन लगाए । सशस्त्र प्रहरी बल नेपाल नम्बर ५४ गुल्म हेकुवा कोहलपुर का सशस्त्र प्रहरी जवान बलका २५ जना र भैरव प्रसाद गण राझा का सैनिक जवान ३५ जना र स्थानिय गरि तटबन्धन गर्ने काम गरिएको छ जसले गर्दा थोरै भएपनी क्षति रोक्ने छ ।
कटान रोक्न तटबन्धन गरेपछी थोरै भएपनी घर भासिन बाट बच्ने भएपछि अलिकति भएपनि आसा पलाएको छ स्थानियमा । तत्काल समस्या समाधान भएपनि भविष्यको लागि गाउँ जोखिममा रहेको हुँदा तटबन्धनको लागि विशेष पहल गरिदिन अनुरोध गरेका छन जानकि टोलका स्थानीय बासिन्दा ।
सशस्त्र सेना र स्थानियको श्रममा २५ मिटर जति तटबन्धन गरिएको छ। स्थानीय ब गोरखबहादुर खत्रीले केही दिन यता देखि रातभर निन्द्रा नपरेको र आज सबैको सहयोगले थोरै भएपनी राहत मिलेको बताएका छन् ।खत्री लगायत जानकिटोलका सबै बासिन्दाले भोलिका दिनमा पनी थप तटबन्धनको लागि पहल गरिदिन माग गरेका छन् ।
Discussion about this post