बाँके साउन १० गते ।
नेपालगन्जमा रहेको कर्वलाको जग्गा संरक्षणका बारेमा मोहर्रम पर्व तथा कर्बला व्यवस्थापन समितिले शनिबार यहाँका बृद्धिजीवीसंग छलफल गरेको छ ।
कर्वला समिति केंद्रीय कार्यालय बाँकेका अध्यक्ष फिरोज हल्वाईको अध्यक्षतामा बसेको बैठकले यहाँका कर्वलाको जग्गाको अवस्थाका बारेमा छलफल गर्नुका साथै संरक्षणका लागि सक्रिय हुने निर्णय समेत गरेको छ ।
बैठकमा बोल्दै जिल्लाका ५१ वटा मोहर्रम कमिटिका अध्यक्षहरुले कर्बलाको जग्गाका बिषयमा जानकारी गराउँदै आवश्यक सल्लाह सुझाव दिएका छन् ।
बैठकले नेपालगञ्ज उपमहानगरपालिकाले वडा नं–६ मा रहेको कर्वलामा क्रिक्रेट स्टेडियम निर्माण गर्ने योजना अघि सारेको र कर्वलाका लागि छुट्ट्याइएको तीन बिगहा (६०) कट्ठा जमिन समितिको नाममा बनाउन सबै बुद्धिजीवी लाग्ने प्रतिबद्धता जनाएका छन् ।
बैठकमा सहभागि बरिस्ठ उपाध्यक्ष मो.इसहाक सिदिकी, अब्दुल जलील मन्सुरी बंटी खान, रिजवान शेख, मो.सब्बिर अन्सारी, मेहमुद इद्रिसी, बाबू हलवाइ, जामा मस्जिदका अध्यक्ष फिदा अन्सारी लगायतले कर्वलाका लागि छुट्टयाइएको जग्गा कानुनी प्रक्रिया अनुसार केंद्रीय मोहर्रम पर्ब तथा कर्बला व्यवस्थापन समितिको नाममा लालपुर्जा पहल थाल्न सुझाव दिनुभएको छ ।
Discussion about this post