अछरी पोखरेल
बाँके भदौ २८ गते ।
महिला मानबअधिकार रक्षक संजाल प्रदेश नं ५को जुम मिटिङमा कानुन परिवर्तन भए पनि राज्यका हरेक संरचनाहरु परिवर्तन नभएका कारण महिलाका सामाजिक, आर्थिक, राजनैतिक शैक्षिक र मानबअधिकार हननमा कमि नआएको निष्कर्ष निकालिएको छ ।
महिला मानबअधिकार रक्षक राष्ट्रिय संजालका केन्द्रिय अध्यक्ष डा.रेणु अधिकारीले विभिन्न समयमा भएका महिला आन्दोलले संविधानमा परिवर्तन भयो, कानुनमा परिवर्तन भयो, तर पितृसत्तात्मक सोचमा परिवर्तन नभएका कारण महिलाविरुद्ध हुने हत्या, आत्महत्या, हिंसा, बलात्कार, विभेद ज्युका त्यु रहेको टिप्पणी गर्नु भयो ।
अध्यक्ष राजभण्डारीले स्थानिय निकायमा प्रमुख वा उप प्रमुख महिला भनि कानुन बनाउन हामी सफल भया,ै ठुलोपदमा पुरुष नै हुनु पर्छ भन्ने पितृसतात्मक सोचका कारण गाउँपालिका, नगरपालिका र उप महानगरपालिकामा प्राय सबै ठाउँमा पुरुषले नै टिकट पाए, पद पनि पाए ।
एक बर्षका बालिका देखि ७०बर्षका महिला बलात्कृत भए यस्ता मुद्धा महिलामा सीमित रहे । यी मुद्धा पुरुष र समुदायका मुद्धा कदापी बन्न सकेनन् । उहाँले पछिल्ला दिनमा महिला मानबअधिकार रक्षकका कुरा सरकारले सुनेको प्रति प्रशांसा गदै विभिन्न निकायमा संरचना परिवर्तन नभएकोमा भने खेद प्रकट गर्नु भयो ।
महिला मानबअधिकार रक्षक संजालका केन्द्रिय सचिव एवं प्रदेश ५का संयोजक लक्ष्मी आचार्यद्धारा संचालन गरीएको जुम मिटिङमा महिला मानबअधिकार रक्षक संजाल बाँकेका अध्यक्ष अछरी पोखरेलले लकडाउनको समयमा विभिन्नखाले हिंसा र मानसिक हिंसाका कारण अत्महत्या गर्ने महिलाको संख्या बढेको बताउनु भयो ।
मिटिङमा सहभागी महिला मानबअधिकार रक्षक संजालका सदस्यहरुले कोरोना भाइरसका कारण पनि मानसिक समस्या र आर्थिक समस्याबाट संजालका सदस्यहरुपनि चोखो नरहेको , कतिको रोजगारी गुमेका कारण खानबस्न नै समस्या रहेको समेत चर्चा गरीएको थियो ।
जुम मिटिङमा महिला मानबअधिकार रक्षक संजाल बर्दियाका अध्यक्ष कौशिला जैसी ,सदस्यहरुमा मनु भण्डारी, तारा रोकाय, पुष्ष चौधरी, थान कुमारी थापा ,इन्दीरा अर्याल, शुसीला पौडेल लगायतले लोकतन्त्र आएपछि कानुन परिवर्तन भएर महिला मैत्री बनेपनि महिलालाइ हेर्ने दृष्टिकोणमा परिवर्तन नभएको गुनासो गरेका थिए ।
Discussion about this post