साहिल शेष
बाँके कार्तिक २१ गते ।
बाँकेको सीमानाका जमुनाहबाट लागु औषधसहित तीन जना पक्राउ परेका छन्। इलाका प्रहरी कार्यालय जमुनाह र लागू औषध नियन्त्रण ब्युरोको संयुक्त टोलि ले ५.५०० मिलि ग्राम ब्राउनसुगरसहित दुई जनालाई पक्राउ गरेको हो । नेपालगन्ज ३ एकलैनिका २४ बर्षका हसिब अनसारी र नेपालगन्ज ७ का २७ बर्षका राजेश साहु ब्राउनसुगरसहित पक्राउ परेका छन् ।
यस्तै ९६ ट्याब्लेट नाइट्रोभेट सहित कोहलपुर ११ का २० बर्षका सन्देश सिंह पक्राउ परेका हुन् । यस्तै पाँच लाख बराबरको पटका पनि जमुनाह प्रहरीले बरामद गरेको छ ।
भारतबाट अवैधरुपमा भित्र्याउँदै गरेको अवस्था प्रतिबन्धित ९ पेटी पटाका फेला पारी बरामद गरि जिल्ला प्रहरी कार्यालयमा बुझाइएको जमुनाह प्रहरीका इन्चार्ज विष्णु गिरीले बताउनुभयो । केही दिन अघि अटो रिक्सामा राखेर नेपाल भित्र्याउँदै गरेको ५ लाखभन्दा बढी मूल्यको अटो पार्टस प्रहरीले बरामद गरेको थियो । गएको भदौ २३ गते ठूलो परिमाणमा जमुनाह प्रहरी, लागु औषध व्यूरोलगायतको टीमले ५० ग्राम ब्राउन सुगरसहित एक जना महिलालाई पक्राउ गरेको थियो ।
पछिल्लो समय जमुनाह प्रहरीको कमाण्ड सम्हाले लगत्तै गिरीको अग्रसरतामा भारतबाट हुने अवैध क्रियाकलाप नियन्त्रणमा आइरहेको छ । प्रहरी इन्चार्ज गिरीले आफुले पाएको जिम्मेवारीलाई पूर्णरुपमा कार्यान्वयन गरिएको बताउनुभयो ।
उहाँले आगमनपछि सीमाबाट हुने अवैध चोरी तस्करी पूर्णरुपमा नियन्त्रणमा आएको छ । अवैध कारोवारी गर्नेहरु धमाधम फन्दामा पर्न थालेका छन ।
भारतबाट भित्रिने र नेपालबाट बाहिरी नागरिकको व्यवस्थापनमा गिरी आफै खटिनुभएको देखिन्छ । भारतबाट आउने र जानेको उस्तै भिड छ उहाँले भन्नुभयो–‘त्यसको व्यवस्थापनमा म आफै खटिने गरेको छु ।’
Discussion about this post