अताउल मुस्तफा
बाँके भदौ २१ गते । मुस्लिम धर्माव्लम्बीहरुको महान पर्व मोहर्रमको सातौ दिन अलम जुलुस निकालिने छ ।
नेपाल मोहर्रम तथा कर्बला संरक्षण समितिका अध्यक्ष मेराज अहमद हल्वाईका अनुसार नेपालगञ्जको घरघर मा राखिने आलम फुल्टेक्रा, धम्बोझी र जोलहनपुर्वाबाट आज अलम जुलुस निकालिने छ ।
तीनै स्थान बाट निस्कने अलम जुलुस त्रिभुवन चोकमा एकिकृत भई मिलान हुनेछ ।
यसैगरि गएरति धूमधाम संग महेंदी जलूस निकालिएको थियो ढोल , तासा , झान का साथ मुस्लिम समुदाय का युवा हरु जोश का साथ बजाउदै महेंदी जुलुस सम्पन्न गरेको थियो ।
यस्तै २२ गते भोलि २२ गते आठौं दिन ऐतिहासिक भव्य जुलूस परम्परा अनुसार भइरहेको कार्यक्रम जन्जीरको महतम र आगोको महतमको सथै अन्य कार्यक्रम हुनेछ ।
यस्तै नवौ दिन २३ गते बिभिन्न ठाउँमा परापूर्वकालदेखि राख्दै आएका मनौतिका ताजियाहरु बिभिन्न स्थानमा राखि परिक्रमा गर्दै दशौ दिन अर्थात २४ गतेका दिन सम्पुर्ण ताजियालाई एकिकृत गरि नेपालगञ्ज नगरपालिका वडा नं.६ मा रहेका कर्बलामा ताजिया सेलाउने कार्यक्रम रहेको छ । मुस्लिम धर्माव्लम्बीहरु इराकको कर्बलामा शहादत प्राप्त गरेका हजरत इमामे हुसैनको सम्झनामा प्रत्येक वर्ष मोहर्रम पर्ब मनाउँदै अएका छन् ।
Discussion about this post