बाँके पुस २५ गते ।
नगरको शान्ति सुरक्षाको कमाण्ड सम्हालेपछि वडा प्रहरी कार्यालय नेपालगन्जका इन्चार्ज डिल्ली खड्का अवैध तस्करविरुद्ध निर्मम बनेका छन् । उनले नगरको शान्ति सुरक्षालाई मजबुद बनाउँदै चोरी तस्करी गर्नेहरु विरुद्ध निर्मम बनेका हुन् । उनको कमाण्डमा दैनिकजस्तो अवैध सामान बरामद हुन थालेपछि तस्करहरु भागाभाग हुन थालेका छन् ।
गएरातीमात्रै उनले भारतबाट नेपाल भित्र्याइएको ठूलो परिमाणको प्रतिबन्धित माछा नेपालगन्जमा बरामद गरेका छन् । लु १ च ७३४० नम्वरको महिन्द्रा पिकअपमा गोरुसिंगेबाट नेपालगन्ज हुँदै सुर्खेत लैजान लागिएको अवस्थामा राती १ बजेतिर १२ क्विन्टल माछा बरामदसहित पिकअप भ्यान बरामद गरिएको छ ।
अवैध रुपमा नेपालगञ्ज हुँदै सुर्खेत लैजादै गरिएको १२ क्विन्टल माछा नियन्त्रणमा लिइ आवश्यक कारबाहीका लागि नेपालगञ्ज क्वारेन्टाइन कार्यालय बुझाइएको बाँके प्रहरी प्रवक्ता सुवास खड्काले जानकारी दिए । प्रहरीले नियन्त्रणमा लिएको उक्त १२ क्विन्टल अवैध माछाको खरिद प्रक्रियाको कागजात नमिलेको इन्चार्ज खडका ले बताए ।
अवैध तस्करविरुद्ध कुनै सम्झौता हुँदैन उनले भनेका छन् । भारतबाट अवैधरुपमा माछाहरु आउने गरेका कारण नेपाली माछा पालन किसानहरु मर्कामा छन् । बाँकेका सिडियो रामबहादुर कुरुम्वांगले समेत इन्चार्ज खड्काको कामको प्रशंसा गर्दै उनको सक्रियताले माछा बरामद भएको उल्लेख गरेका छन् ।
खड्काको नेतृत्वमा भारतबाट हुने माछा मासुको अवैध तस्करी रोकिन थालेपछि नेपाली किसान खुसी भएका छन् । आफ्नै उत्पादनले बजार पाउने भएपछि किसानहरु खुसी भएका हुन् ।
Discussion about this post