बाँके, असोज ५ गते ।
बाँके प्रहरीले १०७ ग्राम ५५० मिलिग्राम खैरो हेरोइन (ब्राउनसुगर) सहित श्रीमान्–श्रीमतीलाई पक्राउ गरेको छ।
पक्राउ पर्नेमा नेपालगन्ज उपमहानगरपालिका–१३ का ३० वर्षीय देशराज चौहान (लोनिया) र २५ वर्षीया पूजा लोनिया रहेका छन्। उनीहरू श्रीमान्–श्रीमती रहेको जिल्ला प्रहरी कार्यालय बाँकेले जनाएको छ।
प्रहरीका अनुसार लागुऔषध नियन्त्रण ब्युरो शाखा कार्यालय नेपालगन्जसहितको संयुक्त टोलीले आइतबार साँझ नेपालगन्ज उपमहानगरपालिका–२ बाट उनीहरूलाई पक्राउ गरेको हो। उनीहरूलाई खैरो हेरोइन बिक्री गरिरहेको अवस्थामा पक्राउ गरिएको प्रहरीले जनाएको छ।
उनीहरूको साथबाट १०७ ग्राम ५५० मिलिग्राम खैरो हेरोइन, भे ६ प ३७४५ नम्बरको मोटरसाइकल र दुई थान मोबाइल बरामद भएको प्रहरीले जनाएको छ।
पक्राउ परेका दुवैजनालाई हिरासतमा राखेर लागूऔषधसम्बन्धी कसुरमा थप अनुसन्धान भइरहेको जिल्ला प्रहरी कार्यालय बाँकेले जनाएको छ।
Discussion about this post