बाँके माघ ११ गते ।
तत्कालिन शहरी विकास मन्त्री मोहम्मद इस्तियाक राइका कारण नेपालगन्जका अधिकांश सडकहरु कालोपत्रे सम्भव भएको छ । नगरभित्र बनेको अधिकांश सडक संघीय सरकारकै बजेटबाट बनेको हुन् । राइ शहरी विकास मन्त्री हुँदा ठूलो परिमाणमा बजेट ल्याउन सफल भएका थिए ।
उनकै कारण नगरका टोल तथा बस्तिहरुमा पीच सडक पुगेको छ । नगरपालिका आफनै स्रोतमा एउटा पनि सडक कालोपत्रे बनेको छैन् । एडिबीले बनेका सडकहरु पनि शहरी विकास मन्त्रालय अन्तर्गत नै बनेको हुन् । पाँच सय मिटरका पक्की सडक प्रदेश सरकारको बजेटबाट निर्माण भएका छन् । कतिपय निर्माणाधिन छन् ।
नगरपालिकाको स्रोतले एउटा पनि सडक नगरभित्र नबनेको जसपाका जिल्ला उपाध्यक्ष राजन रानामगरले दावी गर्नुभयो । मेयर धवल शम्शेर राणाले नगरपालिकाले सडक बनाइरहेको र नाला बनाइरहेको भनेर अनावश्यक भ्रम फैलाएको उहाँको भनाइ छ ।
उहाँले नगरपालिका कार्यालयले केवल समन्वयमात्र गरेको होला तर सबै बजेट संघीय र प्रदेश सरकारले दिएर बाटो बनेका र बन्नेक्रममा रहेको उपाध्यक्ष रानाले बताउनुभयो । उहाँले सामाजिक संजाल फेसबुकमा लेख्नुभएको छ एशियाली विकास बैंक, संघीय सरकार।
शहरी विकास मन्त्रालय र प्रदेश सरकारबाट बनेका कालोपत्रे बाटोलाई नेपालगन्ज उपमहानगरपालिकाले आफुले गरेको भनेर स्थानीय जनतालाई भ्रममा नपरौं, आफ्नो स्थानीय बजेटबाट एक मिटरपनि कालो पत्रे बाटो बनेको छ भने देखाउन चुनौति दिन चाहान्छु ।
आफुलाई विकास प्रेमी बताउने मेयर राणाले संघीय र प्रदेश सरकारले बनाएका सडकलाई नगरपालिका आफैले बनाएको भन्दै झुटको प्रचार गरेको स्थानीयहरुको भनाइ छ ।
Discussion about this post