बाँके माघ १३ गते ।
चोरी मुद्दामा फरार एकजना प्रतिबादिलाई बाँके प्रहरीले पक्राउ गरेको छ । बाँके जानकी गाउँपालिका२ नेवाजी गाउँ बस्ने वर्ष ५१ को मातादिन कादुलाई प्रहरीले आज पक्राउ गरेको हो। २०७७।०७।२२ गते जिल्ला अदालत बाँकेबाट १ वर्ष ११ महिना ०३ दिन कैद र रु.२०,०००।- जरिवाना तोकिएको चोरी मुद्दामा उनी फरार थिए ।
उनलाई आवश्यक कारवाहीको लागि जिल्ला अदालत बाँकेमा बुझाईएको प्रहरीले जनाएको छ । यस्तै बहु विवाह मुद्दामा फरार रहेको प्रतिवादीलाई पनि प्रहरीले पक्राउगरेको छ । बाँके खजुरा गाउँपालिका २ उदरापुर बस्ने वर्ष २१ की विना कुमारी खटिकलाई प्रहरीले पक्राउ गरेको हो ।
जिल्ला अदालतबाट बहु विवाह मुद्दामा ११ महिना १२ दिन कैद सजाय तोकिएको र हाल सम्म फरार रहेको प्रतिवादी खटिकलाई आज पक्राउ गरी आवश्यक कारवाहीको लागि जिल्ला अदालत बाँकेमा बुझाईएको छ। यो संगै फरार अभियुक्त पक्राउ गर्ने अभियान अन्तरगत हाल सम्म ५१२ जना फरार प्रतिवादीहरुलाई पक्राउ गरिएको छन भने केहि अभियुक्त स्वयम अदालतमा हाजिर छन केहि फरार अभियुक्त भारत तर्फ भागी गएको भन्ने बुझिएको छ ।
Discussion about this post