बाँके माघ १३ गते ।
जनता समाजवादी पार्टी बाँकेले आयोजना गरेको दुई दिने राजनैतिक तथा वैचारिक प्रशिक्षण कार्यक्रम नेपालगन्जमा मंगलवार सकिएको छ । सो प्रशिक्षण कार्यक्रमका प्रमुख अतिथि जनता समाजवादी पार्टीका केन्द्रिय कार्यकारी अध्यक्ष तथा पुर्व उपप्रधानमन्त्री उपेन्द्र यादव हुनुहुन्थ्यो भने जनता समाजवादी पार्टीका केन्द्रिय कार्यकारीणी सदस्य तथा पुर्वमन्त्री मोहम्मद ईश्तियाक राई विशिष्ठ अतिथि रहनुभएको थियो ।
केन्द्रीय अध्यक्ष यादव केन्द्रीय कार्यकारिणी सदस्य राई, प्रशिक्षण बिभाग प्रमुख डम्बर बल्लभ खतिवडा प्रशिक्षण बिभाग लुम्बिनी प्रदेश संयोजक मनिकर कार्की लगायतले प्रशिक्षण दिनु भएको जसपा जिल्ला सचिव राजेन्द्र बिश्वकर्माले जानकारी दिनुभयो । जिल्ला अध्यक्ष कमरुद्दिन राइको अध्यक्षतामा भएको दुई दिने प्रशिक्षणमा अध्यक्ष यादवले संघीय लोकतान्त्रिक गणतन्त्रलाई समाप्त पार्ने प्रयास भएकोले सो को रक्षाका लागि सबै एक हुन आव्हान गर्नुभयो ।
प्रधानमन्त्री ओलीले असंवैधानिक काम गरेर विभिन्न आन्दोलन, सर्घष र बलिदानबाट प्राप्त भएका जनताका अधिकारलाई समाप्त पार्ने षडयन्त्र गर्नुभएको अध्यक्ष यादवले बताउनुभयो ।
सो प्रशिक्षणमा केन्द्रीय सदस्यहरु, केन्द्रीय निकायका सदस्यहरु, सङ्घीय परिषद सदस्यहरु, प्रदेश समिति सदस्य, जिल्ला समन्वय समितिका पदाधिकारीहरु, उपमहानगर पालिका समितिका पदाधिकारीहरु, नगरपालिका, गाउँपालिका समितिका अध्यक्ष, पार्टी जनसंगठनका केन्द्रीय सदस्यहरु, जनसंगठनका प्रदेश समिति पदाधिकारीहरु, प्रदेश अन्तरगतका प्रतिनिधिसभा र प्रदेशसभा सदस्यहरु तथा स्थानिय तहका जननिर्वाचित प्रतिनिधिहरुको सहभागिता रहेको थियो ।
Discussion about this post