एजेन्सी
काठमाडौं माघ १६ गते ।
इंग्लिस प्रिमियर लिग फुटबलमा लिभरपुलले टोटनह्याममाथि सहज जित निकालेको छ। बिहीबार राति भएको खेलमा लिभरपुलले टोटनह्यामलाई उसकै मैदानमा ३–१ को जित निकालेको हो।
यो सँगै लिभरपुलले टोटनह्याममाथिको रवाफ कायम राखेको छ। लिभरपुलले लगातार ६ खेलमा जित निकाल्यो। साथै लगातार ३ अवे खेलमा जित हात पार्दै इतिहासमा पहिलो पटक उसकै मैदानमा लगातार तीन खेल जितेको कीर्तिमान समेत बनायो।
जोसे माउरिन्होले ६ होम खेलमा पराजय भोगेका छन्। जुन उनले समालेका अन्य पुर्व क्लब भन्दा बढी हो। लिभरपुललाई जित दिलाउन रोबर्टो फिर्मिन्हो, ट्रेन्ट एलेक्स्जेन्डर आर्नोल्ड र साडियो मानेले समान एक(एक गोल गरे। टोटनह्याम पिएरे इमिलले एक गोल फर्काए। माने खेलको म्यान अफ द म्याच घोषित भए।
रोमान्चक बनेको खेलको तेस्रो मिनेटमा सन ह्युङ मिनले गोल गरेपनि उनको गोलले मान्यता पाएन्। भीएआर प्रविधिको सहायताबाट रेफ्रीले उक्त गोललाई अफसाइट घोषित गरेका थिए।
लिभरपुलले पहिलो हाफको इन्जुरी समयमा फिर्मिन्होले गोलबाट सुरुवाति अग्रता लियो। खेलको ४७ औं मिनेटमा आर्नोल्डले गोल गर्दा लिभरपुल २(० ले अघि रह्यो। ४९ औं मिनेटमा इमिलले गोल फर्काउँदै टोटेनहमलाई २–१ को अबस्थामा फर्काए। लिभरपुलका लागि तेस्रो गोल खेलको ६५ औं मिनेटमा मानेले संभव बनाएका थिए।
जितसंगै लिभरपुल तालिकाको चौंथो स्थानमा उक्लिएको छ। लिभरपुलले २० खेलमा ३७ अंक जोडेको छ। टोटनह्यामको ३३ अंक रहेको छ।
Discussion about this post