बाँके फागुन १४ गते ।
सिद्धार्थ विद्या सदनको विषयमा छापिएको समाचारप्रति पत्रकार चन्देश्वर त्रिपाठीलाई सामाजिक संजालमा धम्कि दिन थालिएको छ । दुई दिन अगाडि प्रकाशित ‘शुल्क असुलीमा नं। १ को तकमा सिद्धार्थ विद्या सदनलाई १’ शिर्षकमा प्रकाशित समाचारप्रति विद्यालयका पूर्व फाउण्डर मनिषराज रेग्मीले पत्रकार र समाचार लेख्ले सत्यमखवर अनलाइनलाई धम्काएका हुन् ।
रेग्मीले लेखेका छन् ‘कपोकल्पित समाचार, बार्गेनिङ मिलेन कि क्यो हो ? नं। १ हो भने शुल्क सुची नेपालगन्जका सबै विद्यालयको सार्वजनिक गर्ने आट चाहियो, अनि थाहा हुन्छ, हावामा आफ्नो टोलमा स्तरिय शिक्षा दिने स्कुलको बेईजति गर्ने कुप्रयास निन्दनीय छ । सुधिरप्रताप सिंह, रामलखन शर्मा, प्रविन गिरी, रितेस शर्मा, छानबीन होस्, समाचारको वास्तविकता सबैले थाहा पाउनुपर्छ ।’
भनी स्टाटस लेखेका छन् । पूर्व फाउण्डरले लेखेकै स्टाटसबाट प्रष्ट भईरहेको छ कति सम्म गहिरो जालो रहेको छ । होईन भने सम्बन्धित निकाय किन मौन छ त ? आम अभिभावक वर्गलाई किन बुझाउन नसकेको हो ? के यसमा ठूलो आर्थिक चलखेल त कतै होईन ? भन्ने बुझाई आम जनमानसमा गएको पाईन्छ ।
कोरोनाले गर्दा पढाई भएन, शिक्षकलाई मासिक तलब दिनुपर्छ, महिनाको भाडा तिर्नुपर्छ, अफिस खर्च मिलाउनु पर्छ, बस ड्राईभरलाई मासिक दिनुपर्छ, सेनेटाईजर किन्नु पर्छ, मास्क किन्नुपर्छ लगायतको समस्या हाल बोर्डि· स्कुलका शिक्षकहरुले राख्ने गरेका छन् । यि यस्तै समस्याले गर्दा अभिभावकको ढाड नै सेक्ने गरी मासिक शुल्क, टाई–बेल्ट शुल्क, विद्यालय विकास शुल्क, जेनेटर शुल्क, फस्टएड शुल्क, ट्युसन शुल्क, वार्षिक शुल्क र एडमिशन शुल्क विभिन्न विद्यालयहरुले उठाउने गरेको पाईन्छ ।
Discussion about this post