जावेद अन्सारी
(भिडियो हेर्नुस्) बाँके भदौ २६ गते । सहरी विकास मन्त्री मोहम्मद ईश्तियाक राईले विकास निर्माणका सवालमा आफ्नो कोहीसंग पनि विवाद र मतभिन्नता नरहेको बताउनु भएको छ ।
उहाँले बाँके लगायत देशभरीकै विकासका लागि आफु सक्रिय रहेको जनाउँदै विकास निर्माणमा कुनै पनि राजनिति नगरिएको प्रष्ट पार्नुभयो ।
नेपालगन्ज उपमहानगरपालिका २३ हिरमिनियामा निर्माण गरिएको अत्याधुनिक एकिकृत फोहरमैला व्यवस्थापन तथा प्रशोधन केन्द्रको बिहिबार उद्घाटन गर्र्दै मन्त्री राईले अब नेपालगन्ज देशकै उत्कृष्ट नगर बन्ने बताउनु भयो ।
नेपाल सरकार, एडिबी र नेपालगन्ज उपमहानगरको संयुक्त साझेदारीमा निर्माण गरिएको फोहोरमैला व्यवस्थापन तथा प्रशोधन केन्द्रले फोहोर व्यवस्थापनको समस्या समाधान गर्ने उहाँले दावी गर्नुभयो ।
नेपालगन्ज र जिल्लाकै विकासका लागि एकिकृत शहर, मेघासिटी र औद्योगिक क्षेत्र लगायतका धेरै योजनाहरु सरकारले तयार पारिरहेको मन्त्री राईले बताउनु भयो ।
अर्को साता करिब २ अर्बको विकासे योजनाहरुको टेण्डर हुने जनाउँदै उहाँले बाँकेको विकास तिव्र गतिमा भैरहेको जनाउनु भयो ।
सो अवसरमा बोल्दै नेपालगन्ज उपमहानगरका मेयर डा. धवल शमसेर राणाले सहरी विकास मन्त्रालय र एडीबीको सहयोगमा फोहोर व्यवस्थापन केन्द्र निर्माण भएपछि फोहोर फाल्नका लागि खाल्डा खोज्दै हिड्ने कार्यबाट मुक्ति मिलेको बताउनु भयो ।
उहाँले सबेले मिलेर विकास निर्माणमा अगाडी बढ्नु पर्ने आवश्यकता औल्याउनु भयो ।
यस्तै प्रदेशसभासद आइपी खरेलले जिल्लाका जनप्रतिनिधिविच उत्पन्न विवाद र मनमुटावले कहिले काँही ठुला योजनाहरु जिल्ला बाहिर जाने गरेकोेले विकासमा एकजुट रहन आग्रह गर्नुभयो ।
समाजवादी पार्टी बाँकेका अध्यक्ष कमरुद्दीन राईले विकासका लागि समाजवादी पार्टीले गरेको पहलमा अन्य दलहरुको पनि सहयोग चाहिएको बताउनु भयो ।
सो अवसरमा नेपालगन्ज उद्योग बाणिज्य संघका अध्यक्ष नन्दलाल वैश्य, प्रदेश ५ कृषि वन तथा वातावरण समितिका सभापति विजय बहादुर यादव, शहरी विकास तथा भवन विभागका महानिर्देशक मणीराम गेलाल, एडीबीका प्रतिनिधि लक्ष्मी सुवेदी, आरयुडीपीका प्रमुख रविन्द्र बोहरा, बाँकेका प्रमुख जिल्ला अधिकारी कुमार बहादुर खड्का, नेपाल पत्रकार महासंघ बाँकेका अध्यक्ष ठाकुर सिंह थारु, संघिय आयोजना कार्यान्वयन ईकाइका प्रमुुख सुभाष बस्नेत र उपमहानगरका शरद पौडेलले आ आफ्नो भनाई राख्नु भएको थियो । भिडियो हेर्नुस्
Discussion about this post