बाँके चैत २१ गते ।
आर्य अर्थात धोबी सेवा समाज बांकेले आज नेपालगंजमा होली मिलन तथा सहभोज कार्यक्रम गरेको छ।
समाजका अध्यक्ष पवन कुमार कनौजियाको अध्यक्षता तथा जिल्ला समन्वय समिति बांकेका संयोजक अजय श्रीवास्तवको प्रमुख आतिथ्यतामा होली मिलन तथा सहभोज कार्यक्रम भएको हो।
कार्यक्रममा बोल्ने सहभागीहरुले सहभोज तथा होली मिलनले सामाजिक सद्भाव कायम गर्न बल पुग्ने बताए । उनिहरुले जातीय विभेद समेत अन्त्य गर्न यस्ले प्रभावकारी भुमिका निभाउने बिश्वास गरे।
कार्यक्रममा नेपालगंज उपमहानगरपालिकाका मेयर धवल शमसेर राणा, आर्य समाज भारतका अध्यक्ष राजकुमार कनोजिया, जसपा बांकेका उपाध्यक्ष राजन राना मगर, समाजका सल्लाहकार बसन्त कनौजिया, खटिक समाज बांकेका अध्यक्ष मोहन लाल सोनकर, साहु समाज बांकेका अध्यक्ष हंसराम शाहु कसौंधन, समाज बांकेका अध्यक्ष नन्दलाल बैश्य, औतार देई कसौंधन चौधराईन प्रतिष्ठानका अध्यक्ष राधेश्याम गुप्ता, हरिजन समाज बांकेका अगुवा जगदीश प्रसाद हरिजन, नेपालगंज उपमहानगरपालिकाका योजना शाखा प्रमुख ब्रज भुषण झा, योग समिति नेपालका केन्द्रीय अध्यक्ष गिरिराज भट्टराई लगायतले मन्तब्य ब्यक्त गरेका थिए।
कार्यक्रममा समाजका जेष्ठ नागरिक अगुवाहरु तथा स्थानीय तहमा निर्वाचित जनप्रतिनिधिहरुलाई सम्मान गरिएको थियो। कार्यक्रमको संचालन आर्य (धोबी ) समाजका महासचिव कौशल कुमार धोबीले गरेका थिए।
Discussion about this post