वसिम अन्सारी
बाँके वैशाख २३ गते ।
नेपालगन्जको जमुनाह नाकामा कोभिड संक्रमितलाई राख्न अस्थायी आइसोलेसन बनाइएको छ । सशस्त्र प्रहरीले नाकामै कोरोना संक्रमितलाई बसाउन मिल्नेगरी अस्थायी आइसोलेसन तयार पारेको सशस्त्र प्रहरी उपरीक्षक एसपी अशोक कुमार बमले जानकारी दिनुभयो ।
भारतबाट फर्किने नेपालीहरुलाई नाकामा राखिएको हेल्थ डेस्कमा एनटिजेन परीक्षणमार्फत कोभिड भए नभएको पुष्टि गर्ने काम भइरहेको छ। त्यहाँ संक्रमण पोजेटिभ आए ती व्यक्तिलाई अव यही आइसोलेसनमा राखिने छ । त्यसपछिको अवस्था हरेर उनलाई अन्य आइसोलेसनमा पठाइने छ ।
यसअघि कोभिड पुष्टि भएका व्यक्तीहरुलाई राख्ने ठाउँ नहुँदा सिधै घर पठाउनु पर्ने बाध्यता थियो । उनीहरुलाई एकछिन सुस्ताउने ठाउँको समेत अभाव थियो । अव त्यो अभाव अन्त्य भएको एसपी बमले बताउनुभयो ।
कोरोनाको सुनामी रहेको भारतबाट अहिलेपनि ठूलो संख्यामा नेपालीहरु जमुनाह नाकाबाट फर्किरहेका छन् । त्यहाँ शंकास्पद विरामीलाई एन्टिजेन परीक्षण मार्फत कोभिड भए नभएको पुष्टि गर्ने काम भइरहेको छ ।
Discussion about this post