जियाउल मुस्तफा कादरी
बाँके असार ११ गते । रेडियो रुबरु एफएमले आयोजना गरेको रेडियो कार्यक्रम उत्पादन तालिम आज नेपालजञ्जमा सम्पन्न भएको छ ।
यो तालिम रेडियो रुबरु एफएम र एन्टेना फाउण्डेशनको सहकार्यमा आयोजना भएका हो ।
एन्टेना फाउन्डेशन नेपालले रुबरु रेडियोमा कार्यरत सन्चारकर्मीहरुलाई तीन दिने रेडियो कार्यक्रम उत्पादन, प्राविधिक ज्ञान र रेडियो व्यवस्थापन सम्बन्धि तालिम गराएको छ ।
तालिमको चौथो दिन समापन कार्यक्रममा एन्टेना फाउन्डेशनले रेडियो उपकरण समेत हसतान्तरण गरेको छ । उपकरणहरुमा मिक्सर, माइक्रोफोन, रेकर्डर र टेलिफोन हाईब्रिड रहेको छ ।
रेडियो उपकरण हस्तारणले उत्पादन गरिएको कार्यक्रममा गुणस्तरीयता आउने विश्वास साझेदार संस्था रुबरु एफ एमले लिएको छ ।
तालिमको समापन रुबरु संचार केन्द्रकाका अध्यक्ष मो.हारुन कादरीको अध्यक्षतामा भएको हो ।
कार्यक्रममा शुभकामना मन्तव्य व्यक्त गर्दै नेपालगञ्ज उपमहानगरपालिकाका प्रमुख डा.धवल शम्शेर राणाले नेपालगञ्जमा रहेको सबै मिडियाहरुसंग सहकार्य गरेर अझ राम्रो र फास्ट मिडिया बनाउने मेरो लक्ष्य रहेको बताउनु भयो ।
कार्यक्रममा बागेश्वरी मन्दिरका महचन्द्रनाथ योगी, मुस्लिम धर्म गुरु मौलाना अब्दुल जब्बार मंजरी, नेपालगञ्ज उद्योग वाणिज्य संघका अध्यक्ष नन्दलाल वैश्य, नेपालगञ्ज उद्योग वाणिज्य संघका वारिष्ठ उपाध्यक्ष अब्दुल वाहिद मन्सुरी, उद्योग वाणिज्य संघका सदस्य अब्दुल वाहिद अन्सारी (बब्लु) र एन्टेना फाउण्डेशन नेपालका कार्यकारी निर्देशक विनय गुरागाँई लगायतले शुभकामना व्यक्त गर्नुएको थियो । गुरागाईँले सहयोगको शुरुवात भएको र निरन्तर रहिरहने बताउनुभयो ।
यस कार्यक्रमको अध्यक्ष मो.हारुन कादरीले बोल्न नजानेको व्यक्तिलाई एफएममा बोल्न प्रोत्साहित गर्ने गरिएको बताउदै वास्तविक समुदायकै आवाज बन्न प्रयासरत रहेको बताउनु भयो ।
Discussion about this post