बाँके भदौ १५ गते ।
कोरोना महामारीका कारण रक्त संचार सेवाहरुमा भएको रगत अभावलाई ध्यानमा राखी मंगलबार नेपालगन्जमा बृहत रक्तदान कार्यक्रम आयोजना गरिएको छ ।
नेपालगन्ज जेसिज , नेपालगन्ज जेसिज जुनियर, आइअएमई लाइफ, सामुदायिक प्रहरी सेवा केन्द्र, नेपाल मानव धर्म नेपालगन्ज, बास, बेटर बाँके, योगदान राष्ट्रको लागि जिल्ला समिती बाँके, कसौधन वैश्य समाज युवा मञ्च लगायत संस्थाहरुको आयोजनामा सोमबार जिल्लामा भएको रगत अभावको समस्यालाई ध्यानमा राखी बृहत रक्तदान कार्यक्रम गरेको हो ।
नेपालगन्जको वेस्टर्न मल, सुर्खेतरोडमा बिहान ८ बजे देखि सुरु भएको बृहत रक्तदान कार्यक्रममा व्यापकको उपस्तिथि रहेको थियो ,र बृहत् रक्तदान कार्यक्रममा सहभागी सबै लाई जेसि आदित्य गुप्ताले आयोजकको तर्फ बाट धन्यवाद ब्यक्त गरेका थिए ।
उक्त कार्यक्रमको सभापति नेपालगन्ज जेसिस अध्यक्ष जेसि रेशमलाल चापागाईंले गर्नु भएको थियो भने प्रमुख अतिथी सामुदायिक प्रहरी सेवा केन्द्र बाँकेका अध्यक्ष दिपेन्द्र कुमार जोशी रहनु भएको थियो ।
सो कार्यक्रममा बोल्दै प्रमुख अतिथी जोशीले युवाहरु लाई सशक्त बनाउन ,कुलतबाट रोक्न नेतृत्व विकास गर्न यस्ता सामाजिक कार्यमा सदैव सामुदायिक प्रहरी सेवा केन्द्र बाँके तयार रहेको बताउनु भयो ।
औपचारिक कार्यक्रम समापन गर्दै सभापति जेसि रेशम चापागाईंले बर्ष भरी नै यस्ता सामाजिक कार्य गर्दै आएको र जुनसुकै परिस्थितिमा जेसिसले युवाहरूलाई जागरुक गर्न ,सरोकारवाला निकाय घच्घच्याउन ,वातावरण सफा राख्न ,जनचेतनामूलक कार्यक्रम गर्न कहिले पनि पछि नहट्ने र आउदा दिनहरुमा पनि समानन्तर अगाडि बढी रहने जनाउनु भयो ।
उक्त कार्यक्रम लाई भब्य बनाउने सह-आयोजना ,सहकार्य,सहयोगी संघ संस्था रेडक्रस मिडिया उपस्थित सम्पूर्णलाइ चापागाईंले विषेश धन्यवाद दिनु भएको थियो ।
बृहत रक्तदान कार्यक्रमको संयोजक जे सि आदित्य गुप्ता रहनु भएको थियो भने ,कार्यक्रम संचालक जेसि चिरन्जिवी शर्मा रहनु भएको थियो ।
उक्त कार्यक्रममा जेसिस मन्त्र सुनाउदै जेसि प्रकाश कुँवरले कोरोना संक्रमणको दोस्रो लहर संगै बाँकेमा रगत अभाव भएको थियो भने कोरोना संक्रमणको तेस्रो लहर आउने आकंलन गरि रहेको बेला जिल्लामा रगत अभावले कसैको जीवन जोखिममा नपरोस भनेर नै यो बृहत रक्तदान कार्यक्रमको आयोजना गरेको आयोजक मध्यका एक नेपालगन्ज जेसिजका भाइस प्रेसिडेन्ट , प्रकाश कुवँरले बताए ।
बृहत रक्तदान कार्यक्रमलाई आर्थिक सहयोग समानता बचत तथा ऋण सहकारी संस्था लिमिटेडले गरेको छ, भने मिडिया पार्टनरमा जटिल खबर ,नागरिक समाज ,हाम्रो पुस्ता ,जि नेपाल एचडी टेलिभिजन नेपालगन्ज ग्यालरी लगायत स्थानिय मिडियाहरु रहेको थियो ।
Discussion about this post