बाँके असोज १६ गते ।
बाँकेको जानकी गाँउपालिका वडा नम्बर २ को कार्यालयमा नेपालको गौरव राष्ट्रिय झण्डा च्यातिएको छ । जानकीको वडा नम्बर २ कार्यालयको प्राङ्गणमा रहेको राष्ट्रिय झण्डा ‘च्यातिएको’ अवस्थामा पाईएको हो ।
वडाअध्यक्ष चन्द्रिका प्रसाद गुप्ताको गैरजिम्मेवारीका कारण वडा कार्यालयमा राखिएको झण्डाको अपमान भएको छ । कार्यालयको प्राङ्गणमा राष्ट्रिय झण्डाको अपमान गरिएको भन्दै वडाबासीले आक्रोस समे पोखेका छन् ।
नेपालको झण्डा जलाउन, त्यसको जानीजानी अपमान गर्न वा सार्वजनिक नैतिकता, शिष्टाचार वा सदाचारको दृष्टिकोणले प्रयोग गर्न नहुने ठाउँ, वस्तु वा अवस्थामा त्यस्तो झण्डा प्रयोग गर्न नेपालको काननु विपरित मानिन्छ । त्यसतो गरेको पाइए (२) उपदफा (१) बमोजिमको कसूर गर्ने वा गराउने व्यक्तिलाई तीन वर्षसम्म कैद वा तीस हजार रुपैयाँँसम्म जरिबाना वा दुवै सजाय प्रष्ट छ ।
तर वडाअध्यक्ष गुप्तालाई भने राष्ट्रिय झण्डा महत्व थाहा नै छैन्। उनले यहाँसम्मकी त्यही राष्ट्रिय झण्डा मुनी खाएको जनप्रतिनिधिको सपथको समेत अवेज्ञा गरेका छन् ।
राष्ट्रिय झण्डा च्याथिएको बिषयमा अनलाइन खोजखबरले सचिव कबिता रेग्मीलाई सुझाएपछि उनले भने गल्ती स्विकार गर्दै तत्काल नयाँ झण्डा लगाउन लगाएकी थिइन् ।
Discussion about this post