बाँके मंसिर १ गते ।
नेपाली कांग्रेसको १४ औं महाधिवेशन अन्तर्गत बाँकेका ८ वटा स्थानीय तहमा आजबाट निर्वाचन कार्यक्रम सुरु गरिदैछ ।
बिहान १० बजेबाट ८ वटै पालिकामा एकसाथ निर्वाचन कार्यक्रम सुरु गरिने जिल्ला निर्वाचन अधिकृत एवम् वरिष्ठ अधिवक्ता रेवतीरमण भट्टराईले जानकारी दिनुभयो ।
उहाँका अनुसार बिहान १० बजे सम्बन्धित गाउँपालिका र नगरपालिकामा प्रथम मतदाता नामावली प्रकाशन गरिनेछ ।
यस्तै बुधबार नै अन्तिम मतदाता नामावली प्रकाशन, उम्मेदवारी मनोनयन, उम्मेदवारको नामावली प्रकाशन, उम्मेदवारीमाथी विरोध संशोधन, उम्मेदवारको दावी विरोधपछिको संशोधित नामावली प्रकाशन, उम्मेदवारी फिर्ता र उम्मेदवारको अन्तिम नामावली प्रकाशन गर्ने कार्यक्रम रहेको छ ।
निर्वाचन कार्यक्रम अन्तर्गत भोलि बिहान ९ बजेदेखी अपरान्ह ४ बजेसम्म मतदान र मतदान पश्चात गणना तथा मत परिणाम घोषणा गरिने निर्वाचन अधिकृत भट्टराईले जानकारी दिनुभयो ।
निर्वाचन कार्यक्रम अन्तर्गत नेपालगन्ज उपमहानगरपालिकाको नेपाली कांग्रेस पार्टी कार्यालयमा मनोनयन र जिल्ला समन्वय समितिको हलमा मतदान, कोहलपुर नगरपालिकाको भेरी सित भण्डार, राप्ती सोनारीको सेल्टर भवन (साईपुर), बैजनाथ गाउँपालिकाको सम्झना चोक सामुदायिक भवन, खजुरा गाउँपालिकाको कपास विकास समितिको हल, डुडुवा गाउँपालिकाको बेतहनीस्थित सिधुराभारी सामुदायिक बहुउद्देश्यीय हल, जानकी गाउँपालिकाको मानपुरस्थित सभाहल र नरैनापुरको कालाफाँटास्थित सामुदायिक भवनमा हुने छ ।
Discussion about this post