बाँके मंसिर १ गते ।
नेकपा एमालेका अध्यक्ष केपी शर्मा ओलीले एमाले मधेश विरोधी पार्टी नभएको स्पष्ट पार्नुभएको छ ।
एमाले बाँकेले आज नेपालगन्जमा आयोजना गरेको वृह्त पार्टी प्रवेश कार्यक्रमलाई सम्वोधन गर्दै अध्यक्ष ओलीले एमालेलाई कमजोर पार्ने उद्देश्यले विभिन्न भ्रम फिजाउने काम भएको भन्दै त्यस्ता भ्रम फिजाउने कार्य समाप्त भएको बताउनुभयो ।
मधेशवादी दलका नेता पशुपति दयाल मिश्र लगायतका नेताहरुलाई पार्टीमा प्रवेश गराउँदै ओलीले मुलुकको विकासका लागि एमाले पार्टीको विकल्प नभएको बताउनुभयो । उहाँले काँग्रेसलाई बुढो पार्टीको संज्ञा दिँदै चुनावमा एक्ला एक्लै भिड्न चुनौति दिनुभयो ।
उहाँले काँग्रेस प्रचण्डपथमा हिडेको आरोप समेत लगाउनुभयो । उहाँले अदालत आन्दालेन गर्ने ठाउँमा परिणत हुनु दुखद विषय भएको बताउनुभयो ।
एमाले बाँकेका अध्यक्ष निरक गुरुङको सभापतित्वमा भएको कार्यक्रममा लुम्बिनी प्रदेशका पूर्वमुख्यमन्त्री शंकर पोख्रेल, एमाले बाँकेका उपाध्यक्ष किष्मतकुमार कक्षपति, प्रवेशीहरु पशुपति दयाल मिश्र, अब्दुल करिम खाँलगायतले पनि सम्वोधन गर्नुभएको थियो ।
Discussion about this post