बाँके मंसिर २२ गते ।
नेपालगन्ज उपमहानगरपालिकाका सुरक्षा गार्ड ब्राउन सुगरसहित पक्राउ परेका छन् । वीपीचोक नजिकै रहेको जिल्ला शिक्षा इकाई अगाडिबाट सुरक्षा गार्ड कृष्ण जिसी आज विहान पक्राउ परेका हुन् ।
जिसीलाई तीन ग्राम ब्राउनसुगरसहित पक्राउ गरिएको बाँके प्रहरीले जनाएकोक छ । भुपु आर्मी जिसी राती उपमहानगरपालिकामा डिउटी गरेर त्यही सुतेका थिए । उपमहानगरपालिकाको क्वाटरबाट निस्केका जिसी केहीबेरपछि ब्राउनसुगरसहित पक्राउ परेका थिए ।
जिसीमाथि थप अनुसन्धान भइरहेको प्रहरीले जनाएको छ । लागु औषधी ब्राउनसुगर कारोबारमा नेपालगन्ज यस क्षेत्रकै प्रमुख शहरको रुपमा गनिने गरेको छ । सीमावर्ती शहर भएकाले भारतबाट ब्राउनसुगर खरिद गरेर यही शहरबाट अन्यत्र कारोबार हुने गरेको छ ।
ADVERTISEMENT
Discussion about this post