बाँके मंसिर २२ गते ।
भारतबाट हुने प्रतिबन्धि लागु औषध आयातको क्रम रोकिएको छैन् । प्रहरीले चेकजाँचलाई कडाइ गरेपनि प्रतिबन्धित लागु औषध कारोवारी तथा प्रयोगकर्ताहरुले आयात गरिरहेका हुन् ।
प्रहरीलाई छलेर नेपाल भित्र्याउने गरेको भएपनि प्रहरीले पनि त्यस्ता कारोवारी र प्रयोगकर्तालाई पक्राउ गर्दै आएको छ । यसैक्रममा नेपालगञ्ज जयसपुर स्थितबाट एकजना लागू औषध ब्राउन सुगरसहित पक्राउ परेका छन ।
भारतबाट नेपाल आउने क्रममा सिमा प्रहरी चौकीका इन्चार्ज सन्तोष बुढा थोकी र लागू औषध ब्युरोको संयुक्त टोलीले लागू औषध ब्राउन सुगरसहित एकजनालाई पक्राउ गरेको हो ।
पक्राउ पर्नेमा नेपालगञ्ज उपमहानगरपालिका-१६ जयसपुर बस्ने ३० वर्षीय शेरअलि जोलाह रहेका छन् । उनीबाट ५ ग्राम ५०० मिलिग्राम ब्राउन सुगर बरामद भएको हो ।
जोलाहले कालो प्लाष्टिकमा बेरि राखेर ल्याएको अवस्था उक्त लागु औषध बरामद भएको बाँकेका प्रहरी प्रभक्ता एवं प्रहरी नायव उपरीक्षक मधुसूदन न्यौपानेले बताउनुभयो ।
Discussion about this post