बाँके पुस १५ गते ।
एक किलो सुनसहित नेपालगन्जबाट दुईजना पक्राउ परेका छन् ।
नेपालगन्ज उपमहानगरपालिका–२० राँझा चोकबाट बारेकोट नगरपालिका–६ जाजरकोटका २२ वर्षीय राजु कार्की र वडा नम्वर ८ बस्ने पूर्णबहादुर विक पक्राउ परेको बाँकेका निमित्त प्रहरी प्रवक्ता खिमप्रसाद घर्तिले जानकारी दिनुभयो ।
उहाँका अनुसार राँझामा सुनको अवैध कारोवार भइरहेको भन्ने विशेष सूचनाको आधारमा जिल्ला प्रहरीबाट खटिएको प्रहरी टोलीले चेकजाँच गर्नेक्रममा उनीहरुबाट सुनको एउटा विष्कुटसँगै नगद बरामद भएको हो ।
प्रहरीले उनीहरुबाट दुई लाख ७७ हजार नगद र चार लाखको चेक बरामद गरेको जनाएको छ । हिंजो बेलुका प्रहरीले नियन्त्रणमा लिएका उनीहरुलाई आज जिल्ला अदालतबाट म्याद थपेर थप अनुसन्धान सुरु गरिरहेको घर्तिले बताउनुभयो ।
यसअघि पनि नेपालगन्जको राँझा विमानस्थलमा ठूलो परिमाणमा सुनसहित दुईजना पक्राउ परेका थिए ।
Discussion about this post