बाँके पुस २१ गते ।
चिसो अत्याधिक बढेपछि बाँकेका विद्यालयमा पठनपाठन बन्द गरिएको छ । चिसोका कारण बालबालिकाहरु विरामी पर्न थालेपछि विद्यालय बन्द गरिएको हो ।
सरकारी विद्यालय बन्द गरिएपनि निजी विद्यालयहरु भने बन्द गरिएको छैन् । कठ्याङ्ग्रीदो चिसोमा समेत निजी विद्यालयहरुले बालबालिकाको स्वास्थ्यसँग खेलवाड गरिरहेका छन् ।
एकजना अभिभावकका अनुसार चिसोले बालबालिका लुकलुक काम्दै विद्यालय जान बाध्य भएका छन् । पछिल्लो सातादेखि बाँकेमा अत्यधिक चिसो बढेको छ । जस्का कारण विद्यालयमा पढन आएका बालबालिकाहरु विरामी पर्न थालेपछि विद्यालयको पठनपाठन बन्द गरिएको शिक्षा विकास तथा समन्वय इकाइका प्रमुख रामसुरेश यादवले जानकारी दिनुभयो ।
उहाँका अनुसार पालिकाहरुले विद्यालय बन्दका आ आफ्नै मापदण्ड तय गरेको छ । नेपालगन्ज उपमहानगरपालिका भित्रका बालविकास र १ देखि कक्षा ५ सम्मको पढाइ आजदेखि तीन दिनका लागि बन्द गरिएको छ । बढ्दो चिसोको जोखिमलाई मध्यनजर गर्दै तल्लो तहमा अध्ययनरत साना बालबालिकाहरुको स्वास्थ्यलाई ध्यानमा राखी बाल विकास र कक्षा १ देखि ५ सम्मको कक्षा सञ्चालन बन्द गरिएको उपमहानगरपालिकाको शिक्षा महाशाखाका शाखा अधिकृत लोकेन्द्र बहादुर शाहीले जानकारी दिनुभयो ।
अन्य पालिकाहरुखजुरा र नरैनापुरमा भने सबै विद्यालय बन्द गरिएका छन् । ति विद्यालयपनि तीन दिनकै लागि बन्द गरिएको यादवले बताउनुभयो । नेपालगन्जमा चिसोमा अधिक चिसो र गर्मीमा अधिक गर्मी हुने गर्छ ।
नेपालगन्जको न्यूनतम तापक्रम ९–१० डिग्रीमा झरेको छ । बाक्लो हुस्सु र शितलहरका कारण चिसो अत्यधिक बढ्दा मानिसहरुको दैनिकी कष्टकर बन्दै गएको छ । नेपालगन्जको राँझा विमानस्थलबाट हुने उडानहरु प्रभावित हुँदै आएका छन् ।
बाक्लो हुस्सुका कारण सवारीसाधन दिउँसै हेडलाइट बालेर चलाउनु परेको चालकहरु बताउँछन् । नेपालगन्ज, कोहलपुरलगायतका प्रमुख बजार क्षेत्रमा मानिसहरुको चहलपहल पातलिएको छ । चोक तथा गल्लीहरुमा आगो तापेर मानिसहरु चिसो छल्ने प्रयास गरिरहेका छन् ।
Discussion about this post