बाँके जेठ १० गते ।
बाँकेका ८ वटै स्थानीय तहमा कार्यपालिका (बोर्ड) गठन गर्ने तयारी गरिएको छ । मतगणनाको अन्तिम परिणाम घोषणा भएसँगै कार्यपालिका सदस्य छनोटका लागि निर्वाचन गराउन लागिएको हो ।
त्यसका लागि सम्बन्धित स्थानीय तहका निर्वाचन अधिकृतको कार्यालयले निर्वाचन कार्यतालिका सार्वजनिक गरिसकेका छन् । डुडुवामा मंगलवार मनोनयन भइसकेको छ ।
जानकी गाउँपालिकामा ११ गते मनोनयन १६ मतदान, खजुरामा १२ गते मनोनयन १७ गते मतदान, राप्तीसोनारीमा ११ गते मनोनयन १६ गते मतदान, बैजनाथमा १२ गते मनोनयन १६ मतदान, नरैनापुरमा १७ गते मनोनयन २० गते मतदानको कार्यतालिक सार्वजनिक भएको छ ।
यस्तै नेपालगन्जमा ११ गते मनोनयन १६ गते मतदानको कार्यसूचि छ । कोहलपुरमा भने अझै टुंगो छैन् । कार्यपालिका सदस्यमा वडामा निर्वाचित भएका महिला सदस्य मध्येबाट, सिमान्तकृत–अल्पसंख्यक र दलित समुदायबाट निर्वाचित गर्ने ब्यवस्था छ ।
कार्यपालिका सदस्यको निर्वाचनमा नवनिर्वाचित पालिका प्रमुख, उपप्रमुख, वडाअध्यक्ष र वडा सदस्यले मतदान गर्नेछन् । कार्यपालिका सदस्यहरु निर्वाचित भएपछि मात्र स्थानीय सरकारले पूर्णता पाउनेछ ।
Discussion about this post