खोजखबर संवाददाता असोज १६ गते । सुर्खेत चेम्बर अफ कमर्सकाे विशेष साधारणसभा वीरेन्द्रनगरमा सम्पन्न भएको छ। विशेष साधारणसभाकाे उद्घाटन गर्दै कर्णाली प्रदेश सरकारका उधाेग पर्यटन वन तथा वातावरण मन्त्री नन्दसिं वुढाले सुर्खेत चेम्बरसंग आफुहरु सहकार्य गर्दै अघि वढ्न चाहेको प्रष्ट पारेका छन। आफ्नाे मन्त्रालय चेम्बरको सहयोगी भएको वताउदै चेम्बरले अघि सारेका याेजनाहरु सफल पार्न के कस्तो सहयोग चाहिन्छ, नहिच्किचाई प्रस्ताव गर्न उनले अाग्रह गरे । कर्णाली प्रदेशकाे वीरेन्द्रनगरमा स्थापित संस्थाले छाेटाे समयमा गरेकाे प्रगति प्रती अाफु खुसी भएको वताए । ‘पाेहाेर साल चेम्बरले अायाेजना गरेको मेलामा म अाफु उपस्थित थिए। भव्य रुपमा सम्पन्न भएको उक्त मेलावाट संस्था निक्कै सबल वनेकाे छ,’ मन्त्री वुढाले भने।
कार्यक्रमका विशेष अतिथि एवम् कर्णाली प्रदेश चेम्बर अफ कमर्सका उपाध्यक्ष पूर्णचन्द्र सापकोटाले केन्द्रीय स्तरमा नेपाल चेम्बर व्यवसायीहरुकाे मुख्य छाता संगठन भएको वताउदै कर्णाली प्रदेशमा चेम्बरको भूमिका वढाउन अाग्रह गरे। उनले संस्था स्थापना भै दाैडिन सुरु गरेकोले यस्काे गति राेक्न नहुने सुझाव दिए। सुर्खेत चेम्बरलाई कर्णाली प्रदेश चेम्बरको पूर्ण साथ र सहयोग रहने वताए। उनले ढीलाे नगरीकन सदस्यता विस्तारलाई अभियान वनाएर अघि वढाउन अाग्रह गरे।
यस्तै अर्का विशेष अतिथि गैरसरकारी संस्था महासंघ कर्णाली प्रदेशका अध्यक्ष हरिप्रसाद अधिकारीले नयाँ अाउने कार्यसमितिलाई व्यवसायीका मुद्दामा केन्द्रित हुन अाग्रह गरे।
कार्यक्रममा वरिष्ठ व्यवसायी डम्मर तिवारी, शिवराज अधिकारी, संस्थाका कानुनी सल्लाहकार एवं वार एशाेसियशन सुर्खेतका अध्यक्ष नन्द भण्डारी लगायतले संवाेधन गरेका थिए।
कार्यक्रममा सुर्खेत उधाेग वाणिज्य संघका पूर्व अध्यक्ष विष्णुवहादुर शाही,जागरण एफएम सुर्खेतका अध्यक्ष पूर्णप्रशाद पाैडेल, भेरी कर्णाली ट्रक व्यवसायी संघका अध्यक्ष सूर्यबहादुर रावत, कर्मचारी ट्रेड युनियन सुर्खेतका अध्यक्ष गणेशमान खनाल लगायतको उपस्थिति रहेको थियोे । साधारणसभा संस्थाका अध्यक्ष चिन्तामणि शर्माको अध्यक्षतामा सम्पन्न भएको थियाे।
यसैविच सुर्खेत चेम्बर अफ कमर्सकाे विशेष साधारणसभाले पुन चिन्तामणि शर्माकै अध्यक्षतामा कार्यसमिति पुनर्गठन गरेको छ। अधिकांश पुरानै कमिटीलाई यथावत राख्दै वाणिज्य उपाध्यक्षमा निरकवहादुर वली, काेषाध्यक्षमा पदमबहादुर क्षेत्री र सदस्यहरुमा मनिष गहतराज, भगवती चपाई, यशाेदा चपाई लगायतलाई चयन गरेको छ।
Discussion about this post