काठमाडौं साउन ११ गते ।
बाँकेको कोहलपुर–१४ पार्वतिपुरमा दुई जनाको हत्या घटनामा प्रहरीले थप एकजनालाई पक्राउ गरेको छ ।
अनुसन्धानलाई तिब्रता दिएको बाँके प्रहरीले सुपारी लिएर हत्यामा संलग्न नेपालगन्ज उपमहानगरपालिका–१८ लग्दहवाका साविर अलीलाई पक्राउ गरेको जनाएको छ ।
मंगलबार राती २५ वर्षीय कृष्ण गडेरिया र उहाँकी २३ वर्षीया पत्नि अञ्जलीको आफ्नै दाजु विजय र भाउजु रेखाको योजनामा हत्या भएको पुष्टि प्रहरीले गरिसकेको छ ।
उनीहरु दुवै जनालाई पक्राउ गरेर अनुसन्धानलाई तीब्रता दिएको प्रहरीले सुपारी दिएर हत्या गरेको खुलेको हो । हत्यामा संलग्न भएका मध्ये लग्दहवाका अलीलाई पक्राउ गर्न प्रहरी सफल भएको छ ।
अनुसन्धानमा अरुको समेत संलग्नता भएको आंशकामा प्रहरीले अनुसन्धानलाई थप सुक्ष्म ढंगबाट अघि बढाएको कोहलपुरका डिएसपी ऐनबहादुर मल्लले बताउनुभयो ।
ADVERTISEMENT
Discussion about this post