सरला सुवेदी
बाँके कात्तिक ६ गते ।
कोहलपुर नगरपालिकाको दुर्गम गाउँ वडा नम्बर ७ जुन कोहलपुर देखि दुर दराजमा रहेको छ। जब जब निर्वाचन आउँछ तब तब उम्मेदवारहरु जनतालाई आश्वासन बाढ्न गाउँ छिरेको स्थानीय बताउँछन् ।
निर्वाचन नजिकिदै गर्दा जनताको घरदैलोमा विभिन्न दलका उम्मेदवार हरु चुनावी प्रचारप्रसारमा होमिएका छन । उम्मेदवारहरु गाउँ पस्दा कतिपय मतदाता नयाँ अनुहार देख्दा उत्साहित हुन्छन् अब यिनिहरुले त केही परिवर्तन गर्लान तर २०७४ सालमा जितेर गएका उम्मेदवारहरु हाम्रा मतले सासद भए मन्त्री भए तर एक पटक फर्केर आएनन हाम्रो वडाका केही स्थानिय सधै डुवान कटानको त्रासमा बस्नु परेको अनि सधै खानेपानीको व्यवस्था गर्छौ भनेनी हामी स्वच्छ र सफा खानेपानीबाट बन्चित भएको भन्दै आक्रोशित समेत हुने गरेको कोहलपुर वडा नम्बर ७ का घनश्याम गिरि बताउछन् ।
उनले नेकपा एमालेका प्रतिनिधि सभा सदस्य पदका उम्मेदवार सुर्य ढकाललाई र प्रदेश सभा सदस्य पदका उम्मेदवार दुर्गा प्रसाद चौधरीलाई भाषण गरेर आश्वासन बाड्न भन्दा काम गरेर देखाउन आग्रह गरे यस वडामा कृषक बढी भएको हुँदा सिचाईको अभावले गर्दा बर्षेनि किसान दाजुभाईले लाखौको क्षती व्यहोर्नुपरेको बताए। उनले ढकाललाइ आफू निर्वाचित भए नभएनी यस वडाको समस्या समाधान गरिदिन आग्रह समेत गरे।
यस्तै स्थानीय कालिभान बस्नेतले यो भन्दा अघिका उम्मेदवारले नि बाटो बनाउछौ अपाङ्गमैत्री कार्यक्रम ल्याउछौ भने तर केही गरेनन भन्दै रजगढवा देखि कोहलपुर जोढ्ने अपुर्ण बाटोलाई अपाङ्गमैत्री वाटो बनाई हामी जस्ता शारीरिक रुपमा अशक्त भएका हरुको लागि विशेष खालको कार्यक्रम ल्याउन आग्रह गरे । यस्तै उक्त वडाकी सीता तिरुवालेनि आजसम्म जितेर गएका उम्मेदवारलाई गाउँमा नदेखेको बताईन उनले महिलाहरुको लागि आयमुलक सिपमुलक कार्यक्रमको पहल गरिदिनु हुन आग्रह गरिन।
चुनावी अभियानको दौडानमा स्थानियको समस्या सुन्दै उम्मेदवार ढकालले आफू आश्वासन भन्दा काम गर्न रुचाउने हुँदा आफू निर्वाचन भए नभएपनी यश वडाको समग्र बिकास आफ्नो पहिलो प्राथमिकता रहने र अशक्त व्यक्तिहरुको सधै पाइला बनेर साथ दिने प्रतिबद्धता व्यक्त गरे।
यस्तै प्रदेश सभा सदस्य पदका उम्मेदवार दुर्गा प्रसाद चौधरीले आफूनि कर्ममा बिश्वास गर्ने त्यसैले भाषण र आश्वासन बाढ्न भन्दा आफ्नो पहिलो प्राथमिकता यस वडालाई समृद्ध वडा बनाउने पहिलो पहल कदमी रहने कुरा व्यक्त गरेका छन् ।
Discussion about this post