बाँके माघ ७ गते ।
बाँकेमा अबैध तस्करी रोकिएको छैन । गृहमन्त्री रबि लामिछानेले तस्करी नियन्त्रणमा जिल्ला नेतृत्वलाई निर्देशन दिएपनि बाँकेमा भने त्यसको पालना भएको देखिदैन । एसपी सन्तोष सिंह राठौरले तस्करी नियन्त्रण गर्न पोस्टमा खटिएका अधिकृतहरुलाई निर्देशन दिएका छ्न ।
तर कतिपय पोस्ट इन्चार्जहरु भने तस्करसँग मिलेर कमाउधन्दामा लागेका छ्न । ६५ किलो मिटर खुल्ला सिमाना रहेको बाँकेमा जमुनाह नाकामा कडाइ गरिएपछि तस्करहरुले अन्य नाकाहरुको प्रयोग गर्दै आएका छ्न । पावर र पहुँचको आधारमा इन्चार्ज बसेका प्रहरी अधिकृतहरुले लाइन लियर तस्करीलाई बढवा दिदै आएका छन । खासगरि जमुनाह नाकामा कडाइ भएसंगै अन्य खुला सिमाना बाट तस्करी भैरहेको तथ्य फेला परेको छ ।
जयसपुर, थुकैला, पिप्रहवा, भज्जुपुर्वा साइगाउँ, हड्डी चोक, सुईया मोड, बाबू गाउँ बुलबुलिया, एमपी स्कुल बाटो हुँदै बसपार्क प्रहरी पोस्ट अगाडिबाट तस्करहरुले भन्सार छलीको सामान भित्र्याउंने गरेका छन । वडा प्रहरी कार्यालय पनि तस्करी नियन्त्रणमा उदासिन बनेको देखिन्छ ।वडा प्रहरी कार्यालयकै अगाडिबाट तस्करी हुंदापनि प्रहरी मौन बसेको देखिन्छ । वडाकै प्रहरीले समेत तस्करसंग लाइन लिने गरेको स्रोत बताउँछ । वडा प्रहरीको लाइनमा अबैध सामान बसपार्कसम्म पुग्छ । र, त्यहाँबाट अन्य जिल्लामा पु¥याउने गरिएको छ ।
बसपार्क प्रहरी पोस्टमा सन्तोष खनालको नेतृत्वमा प्रहरी परिचालन छ । तर खनाल आफै तस्करसँग लाइन लिने गरेको स्रोत बताउँछ । बिबादित छबिका प्रहरी इन्चार्ज खनालका कारण जिल्ला प्रहरीको नेतृत्व समेत बदनाम भैरहेको छ । उनि जमुनाह नाकामा इन्चार्ज खटिदा पनि असुली धन्दामा सकृय भएका थिए । जसका कारण उनलाई दुई हप्तामै जिल्ला तानिएको थियो ।
Discussion about this post