खोजखबर संवाददाता
बाँके असार १३ गते । बाँके जिल्लाको डुडुवा गाउँपालिका वडा नम्बर ४ का अध्यक्ष सगिर अहमद खाँ माथी आक्रमण भएको छ । आक्रमण पछि वडा अध्यक्ष खाँ गम्भीर घाइते भएका छन् ।
अध्यक्ष खाँको उपचार नेपालगन्ज मेडिकल कलेज शिक्षण अस्पताल नेपालगन्जमा भइरहेको बाँके प्रहरीले जनाएको छ । गएराती राप्ती नदीमा अबैध रुपमा बालुवा उत्खनन गरी रहेको सूचना पाएलगत्तै सो कार्य रोक्न गएका अध्यक्ष खाँ माथी अबैध रुपमा बालुवा उत्खनन गरी रहेको समुहले आक्रमण गरेको हो ।
आक्रमणमा संग्लन रहेको आरोपमा प्रहरीले ५ जनालाई नियन्त्रणमा समेत लिइसकेको छ । पक्राउ परेका माथी थप अनुसन्धान भइरहेको बाँके प्रहरीले जनाएको छ ।
यता गांउपालिका अध्यक्ष नरेन्द्र चौधरीले आफुले घटना बारे ढिलो थाहा पाएको भन्दै घटना स्थलमा पुगेर सबैकुरा बुझेर मात्र यस विषयमा बोल्ने बताएका छन् ।
त्यस्तै समाजवादी पार्टि नेपालका जिल्ला अध्यक्ष कमरुद्विन राईले जिल्ला प्रहरी कार्यालय बाँके, जिल्ला प्रसासन कार्यालय बाँके तथा एसपी विरबहादुर वलि संग उक्त घटनाको विषयमा कुरा गरेको बताए । साथै उनले अपराधीलाई कारबाहीको समेत माग गर्दै अबका दिनमा आफ्ना पार्टिका कार्यकर्ता माथि यस्ता घटना घटेमा समाजवादी पार्टि चुप लागेर नबस्ने उल्लेख गरे ।
Discussion about this post