सरला सुबेदी
बाँके असार १८ गते ।
कोहलपुर नगरपालिका वडा नम्बर १३ भरैया र सिमरवा गाउँ जानेबाटोमा सेन्सर सहितको सडकबत्ती जडान भएपछि त्यहाँका स्थानिय हर्षित भएका छन।
बाँके राष्ट्रिय निकुञ्जको मध्यवर्ती क्षेत्रमा पर्ने भरैया गाउँमा सडक बत्ती नहुदा निकै समस्या र अपराधीक घटना र दुर्घटना हुने गरेका थिए।
सडकबत्ती नहुदा स्थानिय कृषकहरुले आफुले उत्पादन गरेको तरकारी बिहान बेलुका बेच्न आउन जान समस्या हुने त्यस ठाउका विद्यार्थीहरु पढन आउन डराउने गरेको वडा सदस्य बलबहादुर घर्ति बताउछ्न । स्थानियको गुनासो धेरै आएपछी सडकबत्ती जडानमा नगरपालिकाको टिम सहित आफू स्वयम् खटिएको बताए।
यस्तै सडक बत्ती जडान नहुदा कोहलपुर देखि दुई किलोमीटर जङ्गल भित्र रहेको भरैया सिमरवाका स्कुले नानिबाबुहरु पढ्न बाट समेत बन्चित भएको र घर नजिकै भएर नि कोठाभाडा लिएर बस्नु पर्ने बाध्यता भएको अवस्थामा सडकबत्ती निर्माण भएकोमा स्थानिय सबै खुसी भएको बताउछ्न स्थानिय नवीन बिक।
यस्तै सडक बत्ती जडान भैइसकेपछी यसको सरक्षण गर्नु पर्ने हामी सबै स्थानियको दायित्व भएको बताउछ्न स्थानिय युवा तारा रिजाल ।
रातको समयमा हुने अपराधिक घटना न्यूनीकरण गर्न वडा अध्यक्ष डम्बर बहादुर खड्का र वडा सदस्य बलबहादुर घर्ती मगर लगायतको पहलमा कोहलपुर देखि भरैया जाने बाटोमा सडक बत्तीहरु बालिएको हो ।
कोहलपुर नगरपालिका अन्तर्गत प्रत्येक वडामा उज्यालो अभियान अन्तर्गत काम भईरहेको हो । पछिल्लो समय पन्ध्रवटै वडाहरुमा उज्यालो अभियानको कामहरु भएका छन् ।
Discussion about this post