काठमाडौं कात्तिक २१ गते ।
जाजरकोटको रामीडाँडा केन्द्रविन्दु बनाएर गत शुक्रबार राति गएको भूकम्पयता उक्त क्षेत्रमा परकम्प जानेक्रम रोकिएको छैन । गत शुक्रबार राति ११ बजेर ४७ मिनेटमा रामीडाँडा केन्द्र बनाएर ६.४ म्याग्निच्युडको भूकम्पको गएको थियो ।
“रामीडाँडा केन्द्र बनाएर ६.४ म्याग्निच्युडको भूकम्प गएपछि त्यसको परकम्प जानेक्रम रोकिएको छैन । त्यसयता रामिडाँडा र त्यसको आसपासमा परकम्प गइरहेको छ,” राष्ट्रिय भूकम्प मापन तथा अनुसन्धान केन्द्रले भन्यो, “शुक्रबार राति ११ः४७ बजेको भूकम्पपछि ४.० म्याग्निच्युडभन्दा माथिका ९ वटा परकम्प गइसकेको छ ।
केन्द्रका अनुसार शुक्रबार यता साना ठूला गरी ३९७ वटा परकम्प गइसकेको छ । “यो सोमबार ४ः४० बजेसम्मको तथ्यांक हो । यसपछि पनि थुप्रै परकम्प गइसकेका छन् । राष्ट्रिय भूकम्प मापन तथा अनुसन्धान केन्द्र सुर्खेतले परकम्प जानेक्रम नरोकिएको बताएको छ । “हिजो ४ः४० बजेपछि पनि परकम्प गइरहेको छ ।
तर, आधिकारिक रुपमा रेकर्ड राख्न बाँकी छ,” केन्द्रले भन्यो, “कम्तीमा परकम्पको संख्या ४१० पुगेको हुनुपर्छ । शुक्रबारको भूकम्पमा जाजरकोट र रुकुम (पश्चिम)मा गरी १५३ जनाको मृत्यु भएको थियो । २५६ जना घाइते भएका छन् ।
Discussion about this post