बाँके माघ ८ गते ।
भारतको अयोध्यामा नवनिर्मित भगवान् राममन्दिरको प्राण प्रतिष्ठाको अवसरमा बाँकेमा पनि उत्सवका रुपमा मनाइने भएको छ । नरैनापुर गाउँपालिकामा हिंजो शोभारात्र निकालियो । नवनिर्मित भगवान् रामको मन्दिरको प्राण प्रतिष्ठा कार्यक्रमको अघिल्लो दिन नरैनापुरमा भव्य कलशयात्रा निकालिएको थियो ।
नरैनापुर गाउँपालिका वडा नं.६ सोनवर्षादेखि राप्तीसोनारी गाउँपालिका वडा नं.७ हुँदै नरैनापुरको वडा नं.१ कटकुइयासम्म शोभायात्रा निकालिएको थियो । अयोध्यामा नवनिर्मित भगवान् राम मन्दिरको प्राण प्रतिष्ठा कार्यक्रमका लागि नेपालगन्जका विभिन्न क्षेत्रमा पनि शोभायात्रा निकालिएको थियो । यस्तै जानकी गाउँपालिकाले पनि आज सार्वजनिक विदा दिएको छ ।
गाउँपालिकामा शोभायात्रा तथा दीप प्रज्ज्वलन गर्नुपर्ने भएको गाउँ कार्यपालिका मातहतका निकायमा अति आवश्यक सेवा बाहेकमा सार्वजनिक विदा दिइएको पालिकाका अध्यक्ष छब्बन खाँद्धारा जारी सूचनामा उल्लेख गरिएको छ ।
यस्तै नेपालगन्ज उपमहानगरपालिकाले आज धार्मिक संघसंस्था तथा विद्यालयमा सार्वजनिक विदा दिने निर्णय गरेको छ । अयोध्यामा नवनिर्मित भगवान् राम मन्दिरको प्राण प्रतिष्ठालाई लिएर नेपालगन्ज, नरैनापुर, राप्तसोनारी तथा कोहलपुर क्षेत्रका अधिकांश मठमन्दिर तथा सडकहरुमा पतंगाहरु टाँसिएको छ ।
Discussion about this post