सरला सुवेदी
बाँके फागुन १८ गते ।
‘महिलामा लगानी सभ्य र सम्मुन्नत समाजको थालनी’ भन्ने नाराका साथ कोहलपुर नगरपालिकाले ११४ औं अन्तराष्ट्रिय महिला दिवस भव्य कार्यक्रमको आयोजना गरी मनाउने भएको छ ।
कोहलपुर नगरपालिका महिला तथा बालबालिका शाखाले शुक्रबार महिला दिवस मनाउने सन्दर्भमा विभिन्न सरोकारवाला पक्षसँग अन्तरक्रिया गरेको छ ।
उक्त कार्यक्रममा सहभागि सम्बद्ध सरोकारवाला पक्षले यही २५ गते मनाइने अन्तराष्ट्रिय महिला दिवसलाई भव्यताका साथ मनाउने निर्णय गरेका शाखा प्रमुख घटना शाहले जानकारी दिनुभयो। शाहका अनुसार प्रभातफेरी, मैत्रीपूर्ण भलिवल, सम्मानलगायतका कार्यक्रमको आयोजना गरी दिवस धुमधामले मनाउने निर्णय भएको जानकारी दिनुभएको हो ।
शाहले कोहलपुर नगरपालिका भित्र सक्रिय रुपमा काम गरिरहेका एक जना पत्रकार महिला,एक जना बालविकास शिक्षिका,एकल महिला व्यवसायि,अपाङ्ग महिला व्यवसायिमहिला उधमि लाई सम्मान सहित पुरस्कृत गर्ने निर्णय गरिएको बताउनु भयो।
यसैगरी सम्मान तथा पुरस्कार छनौटका लागि कोहलपुर नगरपालिकाका सामाजिक विकास समिति संयोजक इश्वरी प्रसाद विश्वकर्माको संयोजकत्वमा समिति समेत बनाइएको जानकारी दिनुभयो।
यस्तै दिवसकै पुर्वसन्ध्यामा जनप्रतिनिधि, कर्मचारी, महिला पत्रकार, शिक्षकलगायतका टिमबिच सौहार्दपुर्ण रुपमा मैत्रीपूर्ण भलिवल खेल आयोजना गर्ने निर्णय भएको पनि शाहले जानकारी दिनुभयो।
यस्तै सामाजिक बिकास शाखा अध्यक्ष इश्वरी प्रसाद बिकले कोहलपुर नगरपालिका भित्र रहेका सम्पुर्ण महिलाहरुलाई समेटेर यस दिवसलाई अवसरको रुपमा लिएर एक आपसमा आत्मियता बढाउन सबै दिदिबहिनी आमाहरुलाई समेटेर कार्यक्रम गर्न सके सकारात्मक उर्जा र म्यासेज जाने बताउनु भयो।
Discussion about this post