बाँके फागुन २५ गते ।
कोहलपुरमा ११४ औं अन्तर्राष्ट्रिय महिला दिवस भव्यताका साथ सम्पन्न गरिएको छ। दिवसका अवसरमा प्रभातफेरि सहित विभिन्न सास्कृतिक कार्यक्रम सहित कोहलपुरमा रहेर बिभिन्न क्षेत्रमा आवद्ध भएर सकृय रुपमा काम गरिरहेका महिला दिदिबहिनीहरुलाई सम्मान गरेको छ ।
कोहलपुर नगरपालिका महिला तथा बालबालिका शाखाले आयोजना गरेको सभालाई सम्वोधन गर्दै लुम्विनी प्रदेशका निर्वतमान मन्त्रि कृष्ण के.सि. नमुनाले महिलाहरुले आज सम्मको आन्दोलनबाट भोटिङ तथा समान ज्यालाको अधिकार पाएको चर्चा गर्दै अव महिलाहरुलाई दिईएको ३३ प्रतिशत राजनैतिक अधिकारलाई ५० प्रतिशत पुरयाउन महिलाहरुले आन्दोलन जारि राख्नु पर्नेमा जोड दिनुभयो ।
उहाँले पैत्रिक सम्पत्तिमा छोरा सरह छोरीहरुलाई अझै अधिकार दिईएको छैन, छोरा सरह छोरीहरुलाई अंशको अधिकारवाट समेत वञ्चित गराईएको स्मरण गर्दै उहाँले बाँकि अधिकार प्राप्तिका लागि महिला आन्दोलन जारी राख्नु पर्ने जिकिर गर्नुभयो ।
कार्यक्रममा लुम्विनी प्रदेश सांसदहरु वसन्ति अधिकारी, सञ्जु कुमारी चौधरीले समेत शुभकामना मन्तब्य ब्यक्त गर्दै महिला दिवस नारामा मात्र होइन व्यवहारमा लागुहुनुपर्नेमा जोड दिनु भएको थियो । यसै गरि कार्यक्रममा शिक्षकहरुको तर्फबाट सुमित्रा न्यौपाने, पत्रकारहरुको तर्फबाट सरला सुबेदी र संघ संस्थाको तर्फबाट उर्मिला पाण्डेले समेत मन्तब्य राखेका थिए ।
दिवसकै अवसरमा आयोजित महिला भलिवल खेलमा उत्कृष्ट हुने समुहलाई पुरस्कृत गरिएको छ । यसरी पुरस्कृत हुने टिममा बिभिन्न संघ सस्था सम्वद्ध महिला कर्मचारीहरुको समुह प्रथम, द्वितीय कोहलपुर नगरपालिका अन्तरगतका महिला कर्मचारिहरुको समुह र तस्रो स्थानमा महिला पत्रकारहरुको समुह रहेका छन ।
प्रथम, द्धितिय र तृतिय समुहलाई सभाका प्रमुख अतिथी कृष्ण केसि नमुना तथा नगर प्रमुख पुर्ण प्रसाद आचार्यले कदर पत्र र मेडेल सहित पुरस्कृत गर्नुभएको हो ।
यसैगरि कोहलपुर क्षेत्रबाट सशक्त रुपमा आफ्नो पेशा ब्यबसायमा लागेर योगदान गरेको भन्दै विभिन्न क्षेत्रमा क्रियाशिल रहेका महिलाहरुलाई सम्मान तथा पुरस्कृत गरिएको छ । यसरी पुरस्कृत हुनेमा सशक्त रुपमा कलम चलाएको भन्दै रेडियो नेपालकी सम्वाददाता सरला सुवेदी, अपाङ्ग महिला उद्यमीहरु देव कुमारी थारु, एकल महिला उद्यमि पदमा थापा, लघु उद्यमि गिता सुनार, उत्कृष्ट वाल विकास शिक्षक भिमा बुढाथोकि र महिला पञ्चेबाजा समुह रहेका छन । उनीहरुलाई सभाका प्रमुख अतिथी तथा अतिथीहरुले सम्मान पत्रका साथै नगद पैसाले सम्मान गरिएको हो।
यस्तै कोहलपुर नगरपालिकाका नगर प्रमुख पुर्ण प्रसाद आचार्यले महिलाहरुलाई अधिकार भन्दा पनि उनीहरुलाई सक्षम बनाउनुपर्ने धारणा राख्नु भएको छ। अव आरक्षण हैन प्रतिस्पर्धामा आउन सक्ने गरि महिलाहरुलाई सक्षम बनाईनुपर्ने उल्लेख गर्दै प्रमुख आचार्यले महिलाहरुको कार्यक्रममा महिलाहरु नै धैर्य गर्न नसक्नु विडम्वना भएको बताउनु भयो ।
आचार्यले यस्ता कार्यक्रमहरुमा कुनै संघ, संस्था विद्यालय र निकायले उर्दि जारी गरेर उपस्थिती गराउनुको साटो महिलाहरु स्वतस्फुर्त रुपमा कार्यक्रममा सहभागिता हुन सक्ने वातावरण बनेको खण्डमा मात्र महिला दिवसले सार्थकता पाउने जिकिर गर्नुभयो ।
Discussion about this post