लुम्बिनी फागुन २६ गते ।
लुम्बिनी प्रदेश सरकारका मुख्यमन्त्री डिल्लीबहादुर चौधरीको प्रमुख योजना र प्रदेश सरकारको आयोजनामा गर्ने भनिएको तर अन्तिम समयमा आएर रद्ध भएको बालबालिका, विकास र शान्तिका लागि चौथो अन्तर्राष्ट्रिय ‘लौरेटस् एण्ड लिडर्स’ शिखर सम्मेलन भारतको नयाँ दिल्लीमा हुने भएको छ ।
केन्द्रीय राजनीतिमा भएको सत्ता समीकरणको खेलले प्रदेश सरकारलाई समेत असर गर्ने भएपछी यही फागुन २८ र २९ गते लुम्बिनीमा आयोजना गर्न तय भएको शिखर सम्मेलन रद्द गरिएको थियो । नेपालको वर्तमान राजनीतिक अस्थिरताको कारणले नेपालमा गर्ने भनिएको सम्मेलन रद्ध भएको र सो सम्मेलन भारतको नयाँ दिल्लिमा गरिने लौरेट्स एण्ड लिडर्सको सचिवालेले एक प्रेस विज्ञप्ती जारी गर्दै जानकारी दिएको छ ।
फागुन २८ गते अर्थात् मार्च ११ मा सम्मेलन दिल्लिीमा हुने भएको छ । सम्मेलनलाई लिएर राजनीतिक अवस्थाको अतिरिक्त, विभिन्न स्रोतहरूबाट गलत सूचना जारी गरिएको र पारदर्शिताको लागि हाम्रो प्रतिबद्धताको तिनीहरूलाई सम्बोधन गर्न चाहेको विज्ञप्तीमा जनाइएको छ । ‘बालबालिकाका लागि पुरस्कार विजेता र लिडर्स एक स्वतन्त्र आन्दोलन हो ।
चौंथो ग्लोबल शिखर सम्मेलन बालबालिकाका लागि विजेता र लिडरहरूको कार्यक्रम थियो । हामीलाई प्रदेश सरकारले लुम्बिनीमा कार्यक्रम गर्न आमन्त्रित गरेको थियो, र यो निमन्त्रणालाई नेपाल सरकारले समर्थन गरेको थियो’विज्ञप्तीमा भनिएको छ,‘दलाई लामालाई कार्यक्रममा कहिल्यै निम्तो दिइएको थिएन ।’ सम्मेलनमा ९ जना नोवेल पुरस्कार विजेता सहित विभिन्न देशका राष्ट्र प्रमुखहरु, पूर्व प्रमुखहरु, अर्थ विज्ञ लगायत सहभागी हुने तय थियो ।
Discussion about this post