बाँके चैत २८ गते ।
बाघ संरक्षणका लागि मात्र स्थापना गरिएको बाँके राष्ट्रिय निकुञ्जले यो वर्ष दुई हजार पर्यटक भित्र्याउने गरी सबै तयारी पूरा गरेको जनाएको छ । दुर्लभ पाटेबाघ संरक्षण गर्ने उद्देश्यले २०६७ सालमा स्थापना भएको यो मुलुककै कान्छो राष्ट्रिय निकुञ्ज हो ।
बढीभन्दा बढी स्वदेशी तथा विदेशी पर्यटकलाई स्वागत गर्न निकुञ्जभित्रको सबै तयारी पूरा गरेर बाँके राष्ट्रिय निकुञ्ज तयारी अवस्थामा रहेको निकुञ्जका प्रमुख संरक्षण अधिकृत मनोजकुमार शाहले बताए । उनले यसअघिका वर्षमा पाँच सयभन्दा बढी पर्यटक नआएको जनाउँदै यस वर्ष दुई हजार पर्यटक भित्र्याउने योजना अनुसार काम गरिएको बताए ।
प्रमुख संरक्षण अधिकृत शाहका अनुसार निकुञ्जले स्वदेशी तथा विदेशी पर्यटकलाई घुमाउन आफ्ना सबै वनपथाई खुला राखेको जनाउँदै पर्यटकको आगमनलाई ध्यानमा राख्दै निकुञ्ज मुख्यालय ओभरी र कोहलपुरस्थित सेक्टर कार्यालयबाट जुनसुकै समयमा पनि टिकट काट्ने व्यवस्था मिलाइएकोे छ ।
स्थापनाको १३ वर्षसम्म निकुञ्ज क्षेत्रमा संरक्षणसँगै पूर्वाधार निर्माणको काम भएको र अब भने पर्यटन प्रवद्र्धनको कामलाई केन्द्रमा राखिएको प्रमुख संरक्षण अधिकृत शाहले बताउनुभयो । निकुञ्जभित्र वन्यजन्तु अवलोकनका लागि मँचान, घाँसे मैदान, कृत्रिम पोखरी, वनपथजस्ता पूर्वाधार निर्माण गरिएको कार्यालयले जनाएको छ ।
Discussion about this post