बाँके बैशाख ६ गते ।
बाँकेको डुडुवा गाउँपालिकामा रहेको जयेन्दु बालसुधार गृहमा क्षमता भन्दा बढी बालबन्दी हुँदा सास्ती भएको छ । सुधार गृहको क्षमताभन्दा बढी बालबािलका रहँदा उनीहरुको उचित व्यवस्थापनका लागि भौतिक पुर्वाधारको अभावमा यस्तो देखिएको हो ।
एउटै कोठामा दुईतीन दर्जन बालबालिका लाई कोचेर राख्नु पर्दा यहाँ बडो समस्या आइरहेको देखिएको छ ।तर, यसको समाधानका लागि आफुलाई बाल अधिकारकर्र्मी र मानव अधिकारकर्मी भन्ने ठेकेदारहरु भने चुपचाप देखिएका छन । डर आउदा मुन्टा देखाएर फेसबुकमा फोटो हाल्दै सेलिब्रेटी बन्न खोज्ने ठेकेदारहरु यतिबेलाको यो समस्या समाधानका लागि मुन्टा देखाउन चासो दिइरहेका छैनन ।
ठाउँ अभावले बालबन्दीलाई कोचाकोच हुँदा समस्या भएको छ । बालसुधार गृहको क्षमता भन्दा धेरै बढी बालकहरू रहेकोले कोचाकोचको स्थितिमा बस्न बाध्य रहेको बालसुधार गृह व्यवस्थापन बताउँछ ।जयेन्दु बालसुधार गृहमा हाल २ सय ४८ जना कानुनी विवादमा रहेका बालकहरू छन् ।
सो बालसुधार गृहमा दुईवटा भवन छन ।तर, एउटा नयाँ भवनमा मात्रै कानुनी विवादमा रहेका बालकलाई राखिएको छ । भवनमा सानो ठुलो गरेर ८ कोठा रहेकोमा अहिले ५ वटा ठुला कोठामा बालकलाई राखिएको बालसुधार गृहका बताउँछिन । उनकाअनुसार ठुला कोठामा २४ देखि ८० जना सम्मलाई राखिएको छ ।
Discussion about this post