बाँके मंसिर १६ गते ।
बाँके ट्राफिक प्रहरीले दुर्घटना न्यूनीकरण गर्न रिफ्लेक्टीभ स्टीकर टाँस्ने अभियान सञ्चालन गरेको छ । चिसो मौसम सुरु भएसँगैं बढ्दो हुस्सु र रातिको बेला भिजीबिलीटी कम भएकाले सडक दुर्घटना न्यूनीकरण गर्न ट्राफिक प्रहरीले रिफ्लेक्टीभ स्टीकर टाँस्ने अभियान सञ्चालन गरेको हो ।
टाढैबाट टल्किने स्टीकर देख्न सकिन्छ जसले दुर्घटनामा कमी ल्याउन सकिन्छ भन्दै यो अभियान सुरु गरेको जिल्ला ट्राफिक कार्यालय बाँकेका प्रहरी निरीक्षक पुष्कर पन्तले बताए । रातिको समयमा स्टीकर नहुँदा दुर्घटना हुने भएकोले स्टीकर टाँस्न अभियानसँगै चालकहरुलाई ट्राफिक नियमबारे जानकारी समेत प्रदान गर्ने कार्य भइरहेको उनले बताए ।
उनले अव सबै खालका सवारी साधनमा रिफ्लेक्टिभ स्टिकर टास्न मातहतका युनियनहरुलाई निर्देशन दिइसकेको पनि बताए ।
ब्याकलाइट नहुने सवारीसाधनको पछाडिको भागमा टल्किने रिफ्लेक्टिभ स्टिकर टाँस्ने काम भइरहेको वरिष्ठ सइ प्रविण आचार्यले बताए । पहिलो चरणमा नेपालगन्जबाट रिफ्लेक्टिभ स्टिकर टाँस गर्ने अभियान सुरु गरिएको पनि उनले बताए ।
Discussion about this post