बाँके पुस ४ गते ।
पश्चिम तराइका बाँके र बर्दियाका राष्ट्रिय निकुन्ज, कर्णाली र बबई नदी तटसँगै ठूला तलाउहरूमा आगन्तुक तथा दुर्लभ पन्छीहरुको विचरण घट्दै गएको छ । पहिलेको तुलनामा पन्छीको चिरबिर कम सुनिन थालेपछि चराविज्ञहरू चिन्तित देखिएका छन् ।
दुई सय भन्दा बढी चराको आवाज सुनेर कुन प्रजातिका हुन भनेर छुट्याउन सक्ने चराविज्ञ जितबहादुर खत्री पन्छीहरुले वासस्थान छाड्दै गएकोमा चिन्तित छन् । बर्दिया राष्ट्रिय निकुञ्जबाट सेवा निवृत्त खत्रीले मानिसले झै सुसेली हाल्ने चराको आवाज नसुनेको वर्षौ भयो बाँके र बर्दियाका राष्ट्रिय निकुन्जका जंगल अनि नदी तटमा विचरण गर्ने पन्छी लोभ हुँदा यहाँ आउने पर्यटकहरु पनि खिनन् हुन थालेका छन् ।
काठमाडौंबाट बर्दिया निकुञ्ज अवलोकन गर्न आएकी सीता रेग्मी दुर्लभ पन्छीहरु अवलोकन गर्नै कठिन भएको बताइन् । बर्दिया निकुञ्जले रैथाने र बसाइसरी आउने ४३८ प्रजातिका चरा निकुञ्ज क्षेत्रमा रहेको दावी गर्दै आएको छ । कति लोप भए कति निकुञ्ज क्षेत्रमा छन् त्यसको अभिलेख निकुञ्जसँग छैन । बाँके निकुञ्जमा १८ प्रजातिका पन्छी गणना गरिएको छ ।
आगन्तुक पन्छी आउने मौसम पारेर अहिले पुनः गणनाको तयारी भइरहेको निकुञ्जका रेञ्जर यम रावत बताउँछन् । बाँके र बर्दियाका राष्ट्रिय निकुन्जमा सरकारको मात्र होइन विश्व वन्यजन्तु कोषसहित अन्तराष्ट्रि गैरसरकारी संस्थाले वातावरण र वन्यजन्तु संरक्षणमा ठूलो लगानी गरेका छन् । तर पहिले देखिने पन्छी अहिले देखिन छाडेपछि लगानीको औचित्यमाथि प्रश्न उठन् थालेको छ ।
Discussion about this post