नेपालगन्ज नाकामा भैरहेको सशस्त्र प्रहरीको ज्वादती र तस्करीको छानबिन गर्न एसएसपी श्रेष्ठको नेतृत्वमा समिति गठन

बाँके पुस ५ गते ।
बाँकेको सीमा क्षेत्रमा भैरहेको तस्करी र हातपातको घटनाको छानबिन गर्न सशस्त्र प्रहरी बलले एसएसपीको नेतृत्वमा छानबिन समिति गठन गरेको छ। सशस्त्र प्रहरी बल ३० नम्बर गण हेडक्वार्टर बागेश्वरीका गणपति बाँकेमा एसपी बिमल डाँगीले तस्करी नियन्त्रण गर्न नसकेको जन गुनासो आएपछि सशस्त्र प्रहरी बलले एसएसपी गंगाराम श्रेष्ठको नेतृत्वमा तीन सदस्य छानबिन समिति गठन गरेको हो।

एसपी डाँगी नेतृत्व टोलीले तस्कारसंग पैसा असुल गरेको र सार्वसाधारणलाई कुटपिट गरेको आरोप लागेको छ।
छानबिन टोलीले चार दिनभित्र प्रतिबेदन पेस गर्ने अधिकार पाएको छ । एसपी डाँगीको निर्देशनमा घरायसी सामान ल्याउनेलाई कुटपिट गर्ने र ठुला तस्करसंग पैसा लिएर दाङ्गसम्म सामान पठाउने गरेको खुलेको छ।

सीमामा सुरक्षा प्रबन्ध नमिलाउने मातहतका कर्मचारीलाई असुलीमा लाग्न निर्देशन दिने आफु उज्यालो हुने बित्तिकै सिडिओे अफिस र नेपालगन्जका क्याफे रेष्टुरेन्ट धाउने एसपी डाँगी कारवाहीमा पर्ने निश्चित भएपछि अहिले छट्पटीमा देखिएको सशस्त्रकै एक अधिकारी बताउँछन् ।

गत आइतवार नेपालगन्जका एक सार्वसाधारणको अन्डकोष र छातीमा हानेर बेहोस बनाएपछि एसपी डाँगीको चर्को आलोचना भैरहेको छ।