बाँके बैशाख १९ गते ।
बाँकेका प्रहरी प्रमुख एसपी रामप्रसाद घर्ती मगरले पदभार ग्रहण गरेका छन् । नेपाल प्रहरी प्रधान कार्यालय नक्साल काठमाण्डौँले बाँकेको प्रहरी प्रमुखमा सरुवा गरेपछि उनले आज पदभार ग्रहण गरेका हुन् ।
पदभार ग्रहणअघि उनलाई जिल्ला प्रहरी कार्यालय बाँकेमा कार्यरत प्रहरी कर्मचारीले स्वागत समेत गरेका थिए । सो अवसरमा सरुवा भएर जान लागेका एसपी तुबहादुर कार्कीलाई बिदाई गरिएको बाँके प्रहरीले जनाएको छ । कार्कीको नेपाल प्रहरी प्रदेश कार्यालय पोखरा, कास्कीमा काज सरुवा भएको छ ।
स्वागत तथा पदभार ग्रहण कार्यक्रममा कार्कीको पारिवारिक तथा व्यवसायिक जिवन सफलताको शुभकामना सहित मायाको चिनो प्रदान गरी बिदाई गरिएको छ ।
कार्यक्रममा जिल्ला प्रहरी कार्यालय तथा मातहत इकाईहरुमा कार्यरत सिनियर प्रहरी अधिकृत, जुनियर प्रहरी अधिकृत तथा हवल्दार जवानहरुको समेत उपस्थिति रहेको थियो ।
Discussion about this post