बाँके बैशाख २० गते ।
बाँकेका प्रहरी प्रमुख एसपी रामप्रसाद घर्ती मगरले कसैको दवाव र प्रभावमा नपरी स्वतन्त्र तथा निष्पक्ष ढंगले काम गर्ने बताएका छन् । जिल्ला प्रहरी कार्यालयको जिम्मेवारी सम्हाल्दै उनले जिल्लामा हुने अपराधिक गतिबिधि नियन्त्रण गर्न कुनै कसुर बाँकी नराख्ने प्रतिबद्धता जनाएका हुन् ।
’अपराध नियन्त्रणमा कसैको दबाब र प्रभावमा नरही शुन्य सहनशीलतामा काम गर्ने छु,’ उनले भने, ’जनताले प्रत्यक्ष अनुभूति गर्ने गरि काम गर्ने छु ।’ उनले नागरिकलाई जागरुक बनाउन ’जनतासँग प्रहरी’ कार्यक्रम संचालन गरिने बताए ।
जनता र प्रहरी बिचको सम्बन्ध सुमधुर बनाउन र जनताको समस्या समाधान गर्न जनता संग प्रहरी कार्यक्रम छिट्टै सार्वजनिक गरि कार्यान्वयनमा ल्याईने छ, उनले भने ।
राज्यले सुम्पिएको जिम्मेवारी पुरा गर्न कुनै कसर बाँकी नराख्ने बताउँदै एसपी घर्ती मगरले राष्ट्र र नागरिकलाई सकारात्मक योगदान दिन प्रहरी कर्मचारी थप सिर्जनशील बन्न निर्देशन दिए । सङ्गठनको कार्ययोजना एवम् लक्ष्यलाई प्राथमिकतामा राखेर नीति निर्देशनलाई प्रभावकारी कार्यान्वयन गर्न समेत निर्देशन दिए ।
Discussion about this post